१६ असोज, हान्झाउ । १९औं एसियाड अन्तर्गत कबड्डीमा नेपाल महिला टोली इरानसँग पराजित भएको छ ।
समूह बी अन्तर्गत जिओसाना ग्वाली स्पोर्ट्स सेन्टरमा भएको खेलमा नेपाल इरानसँग ४३-१९ ले पराजित भएको छ ।
पहिलो हाफमा नेपाल इरानसँग १९-११ ले पछि परेको थियो । तर पछिल्लो एसियाडको स्वर्ण विजेता इरानले दोस्रो हाफमा २४-८ को अग्रता बनाउँदै फराकिलो जित निकालेको हो ।
समूह बी मा नेपालले दुवै खेल खेलिसकेको छ । यसअघि सोमबार पहिलो खेलमा नेपालले बंगलादेशलाई ३७-२४ ले पराजित गरेको थियो ।
पहिलो पटक एसियाडमा सहभागी महिला कबड्डी टिमले डेब्यु खेलमै बंगलादेशलाई हराएर इतिहास रचिसकेको छ ।
अब यस समूहमा इरान र बंगलादेशबीच बुधबार खेल हुनेछ ।
उक्त खेलमा इरानले बंगलादेशलाई हराएमा नेपाल समूहको उपविजेता बन्दै सेमिफाइनल पुग्नेछ र कम्तीमा कास्य पदक पक्का गर्नेछ । कबड्डीमा सेमिफाइनल पुग्ने टिमले पनि पदक प्राप्त गर्नेछन् ।
प्रतिक्रिया 4