+
+

अब पूर्वाधार बनाउँदा अपांगमैत्री बनाउनेछौं : मेयर आचार्य

अनलाइनखबर अनलाइनखबर
२०८० मंसिर १७ गते १६:४५

१७ मंसिर, पोखरा । पोखरा महानगरपालिकाका मेयर धनराज आचार्यले महानगरले अबदेखि भौतिक पूर्वाधार सबै अपांगमैत्री बनाउने बताएका छन् ।

आइतबार ३२ औं अन्तर्राष्ट्रिय अपांगता दिवसका अवसरमा उनले अपांगता भएकाहरुको हकहितका लागि आफूहरु गम्भीर रहेको उल्लेख गरे ।

कार्यक्रममा मेयर आचार्यले अपांगताका क्षेत्रमा भएका समस्या पहिचान गरी र समाधान गर्न पनि महानगरले ध्यान केन्द्रित गरेको बताए । उनले भने, ‘महानगरबाट विनियोजन हुने रकमलाई कार्यविधि बनाएर प्राथमिकताका आधारमा विनियोजन गरिनेछ ।’

महानगर उपप्रमुख मञ्जुुदेवी गुरुङले अपांगता भएकाहरुलाई हेर्ने व्यवहार, सोच र दृष्टिकोण परिर्वतन हुनुुपर्ने बताइन् । समाजले अपांगता भएका व्यक्तिलाई गर्ने व्यवहारले धेरै प्रभाव पार्ने उनको भनाइ थियो ।

‘महानगरले अपांगता भएका व्यक्तिहरुका लागि ऐन, कानुन निर्माण गरेको छ’, उपप्रमुख गुरुङले भनिन्, ‘तर, केही कमीकमजोरी भए यस क्षेत्रमा काम गर्ने संघसंस्था र व्यक्तिहरुको सुुझावका आधारमा परिमार्जन गरेर अगाडि जान सकिन्छ ।’ उनले अपांगता भएका व्यक्ति वा परिवार पाल्नुुपर्ने महिलाहरुलाई उपप्रमुखसँग महिला कार्यक्रम अन्तर्गत सस्तो ब्याजमा ऋण उपलब्ध गराउँदै आएको जानकारी दिइन् ।

३२ औं अन्तर्राष्ट्रिय अपांगता दिवस ‘दीगो विकास लक्ष्य प्राप्तिको प्रतिवद्धताः अपांगता भएका व्यक्तिको अपनत्व र नेतृत्वसहितको ऐक्यवद्धता’ नारासहित मनाइएको हो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?