हालसम्म १२ माइक्रोफाइनान्स कम्पनीहरुले घोषणा गरे लाभांश, कसको कति ?

३ पुस, काठमाडौं । पछिल्लो समय सेयर बजारमा माइक्रोफाइनान्स कम्पनीहरुप्रति लगानीकर्ताको आकर्षण देखिएको छ । सोमबार सबैभन्दा धेरै बढ्नेमा माइक्रोफाइनान्स सूचक रह्यो ।

जुन सूचक अघिल्लो दिनको तुलनामा ५.५ प्रतिशत बढ्यो । यसरी माइक्रोफाइनान्समा लगानीकर्ताको आकर्षण बढ्नुको एउटा कारण हो – धमाधम लाभांश घोषणा हुनु र कतिपयको अहिले सेयर किन्दा पनि घोषित लाभांश पाइनु ।

हालसम्म १२ माइक्रोफाइनान्स कम्पनीहरुले लाभांश घोषणा गरेका छन् । यसरी लाभांश घोषणा गरेकामध्ये धेरैले सेयर बोनसलाई प्राथमिकता दिएका छन् । ७ माइक्रोफाइनान्स कम्पनीहरुले कर प्रयोजनका लागि मात्रै नगद लाभांश घोषणा गरेका हुन् ।

केही माइक्रोफाइनान्स कम्पनीहरुले लाभांश विना नै साधारणसभा बोलाएका छन् । गुराँस, युनिक नेपाल, लक्ष्मी लघुवित्त, सबैको, साधना, गणपती, फरवार्ड, उन्नती सहकार्य, सामुदायिक लघुवित्त, हिमालयन लघुवित्तले लाभांश नदिने घोषणा गरिसकेका छन् । केही माइक्रोफाइनान्स कम्पनीहरु लाभांश घोषणाको तयारीमा छन् । हाल बजारमा ५४ वटा माइक्रोफाइनान्स कम्पनीहरु सूचीकृत छन् ।

कुन माइक्रोफाइनान्स कम्पनीले कति घोषणा गरे लाभांश ?

अहिले कुन कुन कम्पनीको सेयर किन्दा पाइन्छ लाभांश ?
लाभांश घोषणा गरेका १२ मध्ये पनि ९ कम्पनीको अझै बुक क्लोज भइसकेको छैन । अर्थात् ९ कम्पनीको सेयर खरिद गर्नेहरु अझै पनि लाभांश पाउनका लागि योग्य छन् । जीवन विकास, छिमेक, आत्मनिर्भर, ग्लोबल आईएमई, समता घरेलु, साना किसान, धौलागिरि, सपोर्ट र फर्स्ट माइक्रोफाइनान्सको सेयर खरिद गर्नेहरु अझै लाभांशका लागि योग्य हुने छन् ।

बुक क्लोजको दिनभन्दा अघिल्लो दिनसम्म सेयर खरिद गरेकाहरुले लाभांश पाउने र साधारणसभामा भाग लिने अधिकार राख्छन् । बाँकी ३ कम्पनी आरएसडीसी, स्वाभिमान र एनआईसी एसियाको भने बुक क्लोज भइसकेको छ, यी ३ कम्पनीको सेयर खरिद गर्नेले यो वर्षका लागि लाभांश पाउने छैनन् ।

सोमबार बजार बन्द हुँदा यी माइक्रोफाइनान्स कम्पनीको मूल्य :

यो पनि पढ्नुहोस

सेयर बजार : हाइड्रोपावरमा नाफा बुक, माइक्रोफाइनान्समा लगानी