२०८० पुष ५ गते ९:०७ 
५ पुस, काठमाडौं । केलिएन एमबाप्पेले आफ्नो २५औं जन्मदिनमा दुई गोल गरेपछि पेरिस सेन्ट जर्मेन (पीएसजी) ले मेट्जलाई ३-१ ले पराजित गरेको छ ।
घरेलु मैदानमा भएको खेलमा एमबाप्पेले ६०औं र ८३औं मिनेटमा गोल गरे ।
त्यसअघि भिटिन्हाले ४९औं मिनेटमा गोल गरी पीएसजीलाई अग्रता दिलाएका थिए । मेट्जका लागि माथिएल उडोलले ७२औं मिनेटमा एक गोल फर्काए ।
यसै खेलबाट एमबाप्पेका भाइ १६ वर्षीय एथानले पनि डेब्यु गरेका छन् ।
जितपछि लिग लिडर पीएसजीले १७ खेलबाट ४० अंक जोडेको छ ।
यस्तै दोस्रो स्थानको नाइसले लेन्सलाई २-० र तेस्रो स्थानको मोनाकोले टुलुजलाई २-१ ले हरायो ।
नाइसको ३५ र मोनाकोको ३३ अंक छ ।
प्रतिक्रिया 4