काठमाडौं । कृषा चौलागाईंले निर्देशन गर्न लागेको आगामी फिल्म ‘पिताम्बर’को शीर्ष भूमिकामा सुरक्षा पन्त, प्रदीप खड्का, कामेश्वर चौरासिया र प्रमोद अग्रहरि अनुबन्धित भएका छन् ।
अभिनेता खड्काले शनिबार निर्माण कम्पनी केपी फिल्म्ससँग लिखित सम्झौता गरेका छन् । ‘अहिलेसम्म यी चारजनालाई औपचारिकरुपमा कास्टिङ गरेका छौं’ निर्देशक चौलागाईंले अनलाइनखबरसँग भनिन् ।
यी एक्टरले निर्वाह गर्ने चरित्रबारे उनले खुलाइनन् । केही दिनमा थप केही कलाकारलाई कास्टिङ गर्ने उनले बताइन् । आँचल शर्मा र अनुपविक्रम शाहीलाई अप्रोच गरिएको छ तर, यसबारे निधो छैन ।
‘ऐंचोपैंचो’पछि चौलागाईंको यो दोस्रो निर्देशकीय प्रोजेक्ट हुनेछ । फिल्मलाई तीन सिजनको चरणमा खिचिनेछ । माघ, बैशाख र असार–साउनको महिनामा छायांकन गर्ने तयारी छ । चौलागाईंले भारतमा समेत छायांकन हुनसक्ने जानकारी दिइन् ।
‘मेरा लागि यो ड्रीम प्रोजेक्ट हुनेछ’ फिल्मबारे कृषाले भनिन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4