+

बाँझोपनको उपचार गर्नुअघि डाक्टरलाई सोध्नुपर्ने ३ प्रश्न

२०८० चैत  १५ गते ११:५० २०८० चैत १५ गते ११:५०
बाँझोपनको उपचार गर्नुअघि डाक्टरलाई सोध्नुपर्ने ३ प्रश्न

विश्व स्वास्थ्य संगठन (डब्ल्युएचओ)का अनुसार जीवनशैली, खानपान र आनीबानीले प्रजनन् क्षमतामा सोझो असर गरिरहेको छ । पछिल्लो समय बाँझोपनको समस्या लिएर अस्पताल धाउनेको संख्या बढेको छ ।

त्यसो त बाँझोपनको समस्या हुनुमा एक मात्र कारण छैन । विभिन्न कारणले यस्तो समस्या हुने चिकित्सकहरुको भनाइ छ । सोही अनुरुप उपचार विधि पनि फरक-फरक छ । त्यसैले यसको नतिजामा एकरुपता छैन । कतिले सहजै रुपमा यसको समाधान पाएका छन् भने कतिपयले पाएका छैनन् । यसरी अस्पताल पुग्ने दम्पतीले चिकित्सककहाँ यी तीन प्रश्न सोध्नैपर्छ ।

पहिलो प्रश्न : बाँझोपनको पहिलो उपचार के हो ?

बाँझोपनको उपचार गर्नुअघि यो प्रश्न सोध्नु अत्यन्त आवश्यक छ किनभने ९० प्रतिशत केसहरूमा चिकित्सकले औषधिद्वारा उपचार गर्ने प्रयास गर्छन् । दम्पतीलाई औषधि दिन्छन्, जसले गर्भधारणको सम्भावना बढाउँछ । त्यस्तै बाँझोपनको समस्या भएका महिलालाई गर्भधारण कायम राख्न औषधि पनि खुवाउने गरिन्छ ।

साथै उपचारको प्रारम्भिक चरणमा दम्पतीको जीवनशैलीमा पनि परिवर्तन ल्याउन पनि चिकित्सकहरू सल्लाह दिन्छन् । कहिलेकाहीं उपचारका क्रममा दम्पतीले केही समय शारीरिक र मानसिक रूपमा छुट्टिनुपर्ने हुन्छ ।

दोस्रो प्रश्न : बाँझोपनको उपचारमा कुनै प्रकारको शल्यक्रिया हुन्छ ?

प्रजनन् क्षमताको उपचार गर्दा पहिलो चरणमा औषधिको प्रयोग गरेर पनि गर्भाधारण नभएमा आवश्यकता अनुसार शल्यक्रिया गर्नुपर्ने हुन्छ । तर शल्यक्रिया अन्तिम विकल्पको रुपमा अपनाउने गरिन्छ । यसमा अवरुद्ध डिम्बवाहिनी नली खोलिन्छ । र, पछि बाँझोपनको उपचारसँगै पाठेघरभित्र निषेचित डिम्ब राख्ने गरिन्छ, जसले गर्भाधारण हुने सम्भावना बढ्छ । त्यस्तै पुरुषको हकमा शुक्रकीटवाहिनी नलीमा भएको अवरोध खोल्न शल्यक्रिया गरिन्छ ।

तेस्रो प्रश्न : पुरुष र महिलामा हुने बाँझपनको उपचार फरक हुन्छ ?

महिला र पुरुषको बाँझोपन उपचारको प्रक्रिया फरक-फरक हुन्छ । चिकित्सकले पुरुषमा शुक्रकीटको कमी छ छैन पत्ता लगाएर सोही अनुरुप शुक्रकीटको गुणस्तर बढाउने औषधि दिने गरिन्छ । तर महिलाहरुमा सबैभन्दा पहिले के कारणले गर्भाधारण भइरहेको छैन त्यसको कारण के हो ? पत्ता लगाइन्छ ।

महिलामा बाँझोपनको समस्या डिम्ब निष्कासनमा समस्या वा पीसीओडीको कारणले हुनसक्छ । जुन औषधिले समाधान गर्न सकिन्छ । यस प्रकारको समस्या समाधान गर्न कतिपय बेला औषधि इन्जेक्सनका रुपमा दिइन्छ ।

एजेन्सीको सहयोगमा

चिकित्सक बाँझोपन बिरामी
लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय

फिचर

बच्चाको व्यवहारमा आएको परिवर्तनलाई अभिभावकले गर्नुहुँदैन बेवास्ता

बच्चाको व्यवहारमा आएको परिवर्तनलाई अभिभावकले गर्नुहुँदैन बेवास्ता

हिटस्ट्रोक कसरी हुन्छ ?

हिटस्ट्रोक कसरी हुन्छ ?

‘घामबाट बच्न मात्र होइन, चाउरीपन रोक्न पनि सनस्क्रिन आवश्यक’ (भिडियो)

‘घामबाट बच्न मात्र होइन, चाउरीपन रोक्न पनि सनस्क्रिन आवश्यक’ (भिडियो)

बारम्बार टन्सिल संक्रमण भएमा कस्तो जोखिम हुन्छ ?

बारम्बार टन्सिल संक्रमण भएमा कस्तो जोखिम हुन्छ ?

केपी सब-भेरियन्टले नेपालमा कस्तो प्रभाव पार्ला ?

केपी सब-भेरियन्टले नेपालमा कस्तो प्रभाव पार्ला ?

रक्सी पिउँदा छालामा कस्तो असर पर्छ ?

रक्सी पिउँदा छालामा कस्तो असर पर्छ ?