नबिल बैंक अध्यक्ष पौड्यालाई मातृशोक

१८ चैत, काठमाडौं । नबिल बैंक अध्यक्ष उपेन्द्र पौड्याललाई मातृशोक परेको छ । उनकी आमा सोमना पौड्यालको आइतबार बिहान निधन भएको हो ।

१५ जेठ १९९९ मा जन्मिएकी सोमनाको आइतबार ८१ वर्षको उमेरमा काठमाडौं चाबहिलस्थित मेडिकेयर अस्पतालमा उपचार क्रममा निधन भएको हो । दुई वर्षअघि पौड्यालका पिता मधुसूदन पौड्यालको निधन भएको थियो ।

सोमनाका ३ छोरा र २ छोरी छन् । उनीहरूमध्ये नबिल बैंक अध्यक्ष पौड्याल जेठा हुन् । सोमनाको अहिले पशुपति आर्यघाटमा अन्येष्टि गरिँदै छ ।