कतारका राजाको सम्मानमा रात्रिभोज

११ वैशाख, काठमाडौं । राष्ट्रपति रामचन्द्र पौडेलले नेपाल भ्रमणमा रहेका कतारका राजा शेख तमिम बिन हमाद अल थानीको सम्मानमा रात्रिभोजको आयोजना गरेका छन् ।

होटल सोल्टीमा आयोजना गरिएको रात्रिभोजमा नेपाली परम्परागत झाँकी समेत प्रस्तुत गरिएको छ ।

रात्रिभोजमा उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्ड, सभामुख, राष्ट्रिय सभाका अध्यक्ष, प्रधानन्यायाधीश, पूर्व प्रधानमन्त्रीहरू, निजी क्षेत्रका प्रतिनिधि लगायतको उपस्थिति छ ।

राष्ट्रपति पौडेलको निमन्त्रणामा नेपालको दुईदिने राजकीय भ्रमणमा रहेका हमाद अल थानी मंगलबार अपराह्न त्रिभुवन अन्तर्राष्ट्रिय विमानस्थलमा अवतरण गरेका थिए ।

राष्ट्रपति पौडेल, उपराष्ट्रपति, प्रधानमन्त्री र मन्त्रिपरिषद्का सदस्यले विमानस्थलमा उनको स्वागत गरेका थिए । विमानस्थलमै कतारका राजालाई नेपाली सेनाले गार्ड अफ अनर प्रदान गरेको थियो ।

त्यसपछि विमानस्थलबाट उनी राष्ट्रपति भवन शीतलनिवास पुगेका थिए । शीतलनिवासमा राष्ट्रपति पौडेल र कतारका राजा थानीबीच भेटवार्ता भएको थियो ।

यो पनि पढ्नुहोस

१५० जनाको भ्रमण दलसहित कतारी अमिर काठमाडौंमा

यो पनि पढ्नुहोस

थप सहयोगका क्षेत्रमा कतारी अमिरको चासो, मध्यपूर्वको द्वन्द्वबारे राष्ट्रपतिको चिन्ता

यो पनि पढ्नुहोस

शीतल निवासमा राष्ट्रपति पौडेल र कतारका राजाबीच भेटवार्ता

यो पनि पढ्नुहोस

कस्तो जहाजमा आए कतारी अमिर ?

यो पनि पढ्नुहोस

श्रम गन्तव्य मात्रै होइन कतार, बन्न सक्छ लगानीको स्रोत