२०८१ जेठ ४ गते १९:०७ 
४ जेठ, काठमाडौं । एथ्लेटिक्स खेलाडी सन्तोषी श्रेष्ठले परिस ओलम्पिक २०२४ मा सहभागिता जनाउने पक्का भएको छ ।
सन्तोषी युनिभर्सल कोटामा ओलम्पिकमा छनोट भएकी हुन् । उनले म्याराथनमा भाग लिनेछिन् ।
नेपाल ओलम्पिक कमिटी र नेपाल एथ्लेटिक्स संघबाट युनिभर्सल कोटाका लागि उनको नाम सिफारिस भएको थियो ।
त्यसमा अन्तर्राष्ट्रिय एथ्लेटिक्स महासंघबाट उनको नाम स्वीकृत भएपछि ओलम्पिकमा सहभागिता जनाउने पक्का भएको हो ।
सन्तोषीले ओलम्पिक खेल्न पाउने खबर सुन्दा खुशी लागेको बताइन् । ‘एकदमै खुशी छु । म राम्रो प्रदर्शन गर्ने प्रयास गर्नेछु,’ उनले अनलाइनखबरसँग भनिन् ।
पेरिस ओलम्पिक, २०२४ जुलाई २६ देखि अगस्ट ११ सम्म फ्रान्सको पेरिसमा हुँदैछ ।
प्रतिक्रिया 4