जुवातास खेलेको आरोपमा टोखाबाट ९ जना पक्राउ

१५ जेठ, काठमाडौं । टोखा नगरपालिका-३ धनेश्वरबाट जुवातास खेलको आरोपमा प्रहरीले ९ जनालाई पक्राउ गरेको छ ।

धनेश्वरस्थित कविता घलेको फ्ल्याटमा जुवातास खेलिरहेको अवस्थामा बाग्लुङ ढोरपाटन नगरपालिका-६ घर भई गोंगबु बस्दै आएका ३२ वर्षीय गणेश छन्त्याल समेत ९ जनालाई प्रहरीले पक्राउ गरेको हो ।

प्रहरी प्रभाग गोंगबुबाट खटिएको प्रहरीले उनीहरूलाई नगद १ लाख ३२ हजार ५ सय रूपैयाँ र ५ बुक ताससहित पक्राउ गरेको हो ।