+
+

के हो माउस जिग्लर ? जसका कारण कैयौं कामचोरले गुमाए जागिर

अनलाइनखबर अनलाइनखबर
२०८१ असार ४ गते १३:५९

चार वर्षअघि कोरोना महामारीका बेला घरबाटै कार्यालयको काम गर्ने अर्थात् ‘वर्क फ्रम होम’को प्रचलन सुरु भयो । जुन अझै पनि विभिन्न कम्पनीहरूमा चलिनै रहेको छ ।

विश्वका अधिकांश कम्पनीहरूले ‘वर्क फ्रम होम’को सुविधा बन्द गरिसकेका छन् । तर, कतिपय कम्पनीहरूले अझै पनि यो सुविधा दिइनै रहेका छन् ।

‘वर्क फ्रम होम’मा मानिसहरूलाई सजिलो त हुन्छ तर कतिपय मानिसले यसको गलत फाइदा पनि उठाएका हुन्छन् ।

घरबाटै काम गर्ने सुविधा पाएका कतिपय कर्मचारीहरुले माउस गिग्लर प्रविधिको प्रयोग गरेर आफ्नो कार्यालय अर्थात् कम्पनीलाई मुर्ख बनाइरहेको खुलासा पनि भएको थियो । उक्त खुलासापछि कैयन् कर्मचारीहरुलाई जागिरबाट बर्खास्त समेत गरिएको थियो । आखिर माउस जिग्लर के हो ? यसले कामचोरहरुको जागिर कसरी खाइदियो त ?

ब्लुम्बर्गको रिपोर्ट अनुसार वेल्स फार्गो नामक एक कम्पनीले करिब एक दर्जन कम्पनीहरूलाई जागिरबाट निकालिदिएको छ ।

कम्पनीका अनुसार ती सबै कर्मचारीले माउस जिग्लर सफ्टवेयरको प्रयोग गर्दथे । माउस जिग्लरलाई माउस मुभमेन्ट पनि भनिन्छ। यो एउटा यस्तो सफ्टवेयर हो जसले कम्प्युटरलाई स्लीप मोडमा जानबाट रोक्दछ र कम्प्युटरलाई क्रियाशील बनाइराख्छ ।

घरबाटै काम गर्ने कर्मचारीहरूले यो टूलको प्रयोग गरेर ठग्ने गरेका थिए । उनीहरुले माउस जिग्लरको प्रयोग गरेर कम्प्युटरलाई सक्रिय राखेर काम गरिरहेको जस्तो देखाउने तर आफूले भने कम्प्युटरमा काम नगरेर ठग्ने गरेको खुलासा भएपछि कम्पनीले उनीहरुलाई बर्खास्त गरेका थियो ।

यो सफ्टवेयरको प्रयोगपछि काम नगर्दा पनि कम्प्युटरमा सक्रियता रहन्छ अर्थात् कम्प्युटरको स्क्रिन चालु नै रहेको हुन्छ । यसो हुँदा कम्पनीको स्क्रिन टाइम रिडर सफ्टवेयरले सम्बन्धित कर्मचारी सक्रिय रहेको देखाउँछ । तर त्यो कर्मचारीले वास्तवमा कम्प्युटरमा काम गरिरहेको हुँदैन ।

वास्तवमा माउस जिग्लर एउटा फर्जी किबोर्ड एक्टिभिटी सफ्टवेयर हो । कर्मचारीहरुलाई घरबाटै काम गर्ने सुविधा दिएका विश्वका विभिन्न कम्पनीहरुले कर्मचारीहरुको कामको अनुगमनका लागि स्क्रिन टाइम रिडरको प्रयोग गर्दछन् । यसले सम्बन्धित कर्मचारीले कम्प्युटर खोलेर काम गरिरहेको छ कि छैन भन्ने पत्ता लगाउँछ । तर, माउस जिग्लरले कर्मचारीले काम नगरिरहँदा पनि कम्प्युटरलाई सक्रिय देखाइदिन्छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?