२०८१ साउन १६ गते ११:३८ 
१६ साउन, काठमाडौं । थाइल्याण्डमा आयोजना हुने वर्ल्ड हाप्किडो च्याम्पियनसिप तथा रोयल थाई प्रिन्सेस कपमा सहभागी हुन नेपाल हाप्किडोको टोली आज त्यसतर्फ प्रस्थान गरेको छ ।
अगष्ट १ देखि ४ सम्म च्याम्पियनसिपमा नेपालबाट ६ खेलाडीले प्रतिस्पर्धा गर्नेछन् । ६ खेलाडीसहित ८ सदस्यीय टोली थाईल्याण्ड प्रस्थान गरेको हो ।
नेपाली खेलाडीहरु कृति गिरी, चन्द्रबहादुर बोहरा, राजेन्द्र तामाङ, अमृत गुरुङ, ईमा थापा र मेग्मा गुरुङ छन् ।
यस्तै टोलीको प्रशिक्षकमा नेपाल हाप्किडो संघका प्रमुख प्रविन गुरुङ तथा थम प्रकाश छन्त्याल टिम म्यानेजरको भूमिकामा छन् ।
नेपाली टोलीले पोखरामा बन्द प्रशिक्षण राखेर वर्ल्ड च्याम्पियनसिपका लागि तयारी गरेको थियो ।
च्याम्पियनसिपमा नेपालले पदक जित्ने लक्ष्य रहेको नेपाली हाप्किडो संघका अध्यक्ष कालीबहादुर घर्ती मगरले जानकारी दिए ।
प्रतिक्रिया 4