श्याम महर्जनको ‘साइँली तिम्रो’मा रोमान्टिक श्रीदेव र ऋचा

काठमाडौं । गायक श्याम महर्जनले नयाँ गीत ‘साइँली तिम्रो’ सार्वजनिक गरेका छन् । समीर राईको शब्द र रोशनराज गुरुङको संगीत तथा एरेन्ज गरेको गीत रोमान्टिक भावमा आधारित छ ।

विजयराज भुर्तेलले निर्देशन गरेको गीतको भिडियोमा प्रेमी प्रेमिकाको रोमान्टिक भावभंगिमा प्रस्तुत गरिएको छ । भिडियोमा श्रीदेव भट्टराई र ऋचा थापाले अभिनय गरेका छन् । भिडियोमा सन्तोष तामाङ योदिनको छायांकन र भुर्तेलकै सम्पादन छ । भिडियोको अवधारणा समीर राईको हो ।

गीतलाई ‘श्याम महर्जन’ युट्युब च्यानलमा रिलिज गरिएको छ ।