म बेनाम आएँ साथी
बेनाम आएर यस चोलामा
मैले केबल एउटै काम गरेँ
मुटुको केन्द्रबिन्दुदेखि
बीस ओटै औंलाका अन्तिम डिलसम्म
म एउटै भएँ साथी
म एउटै रहेँ
म एउटै भइरहेँ
म केबल एउटै हुन सकेँ
हो,
म बेनाम आएँ साथी
र गुमनाम प्रस्थान गरेँ
मैले प्रस्थान गरेको
१११४ वर्षपछि
उनीहरूले मेरो समाधि खोतले
मेरा मट्टी अवशेषहरुको
अध्ययन अनुसन्धान गरे
र नतिजामा ‘प्रेमी थियो’ लेखेको
साइनबोर्ड झुन्ड्याएर गए
धन्यवाद छ उनीहरूलाई
उनीहरूले मलाई चिनेँ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
.jpeg)
ट्रेन्डिङ
Advertisment
प्रतिक्रिया 4