२०८१ भदौ २१ गते १४:०३ 
२१ भदौ, काठमाडौं । श्री ‘थ्री एक्स थ्री’ यू२३ बास्केटबल प्रतियोगिता हुने भएको छ ।
श्री एअरलाईन्सको आयोजनामा हुने प्रतियोगिताको व्यवस्थापन नेपाली राष्ट्रिय महिला बास्केटबल टिमले गर्नेछ ।
दुई दिने प्रतियोगितामा यु-२३ महिला र पुरुष तथा कर्पोरेटतर्फ प्रतिस्पर्धा हुनेछ ।
यू२३ पुरुषमा १४ र महिलामा ८ टिमले सहभागि हुनेछन् । कर्पोरेटतर्फ भने हरेक टिमले एक महिला खेलाडी अनिवार्य राख्नुपर्ने आयोजकले जनाएको छ । कर्पोरेटमा ९ टिमको सहभागिता हुनेछ ।
थ्री एक्स थ्री बास्केटबलमा एक टिममा चार खेलाडी हुनेछन् भने यो हाफ कोर्टमा खेलाइनेछ । प्रतियोगिताको खेल तालिका शुक्रबार सार्वजनिक हुने आयोजकले जनाएको छ ।
खेल त्रिपुरेश्वरस्थित सेमि कभर्डहलमा हुनेछ ।
प्रतिक्रिया 4