२०८१ कात्तिक १६ गते १८:०० 
१६ कात्तिक, काठमाडौं । म्यानचेष्टर युनाइटेडको मुख्य प्रशिक्षकमा रुबेन एमोरिम नियुक्त भएका छन् ।
हाल पोर्चुगिज क्लब स्पोर्टिङमा रहेका ३९ वर्षीय एमोरम ११ नोभेम्बरमा सोमबार क्लबमा आवद्ध हुनेछन् । साढे २ वर्षको सम्झौता गरेका उनी जुन २०२७ सम्म ओल्ड ट्राफर्डमा रहनेछन् ।
युनाइटेडले साढे २ वर्षदेखि क्लबको मुख्य प्रशिक्षक रहेका इरिक टेन ह्यागलाई चार दिनअघि बर्खास्त गरेको थियो । इरिकको बर्खास्तीपछि युनाइटेडले रुड भान निस्टेलरोयलाई अन्तरिम प्रशिक्षकको जिम्मेवारी दिइएको थियो ।
अब क्लबको तीन खेलमा उनी नै प्रशिक्षक रहनेछन् । त्यसपछि एमोरिमले जिम्मेवारी सम्हाल्नेछन् । उनको प्रशिक्षणमा युनाइटेडले २४ नोभेम्बरमा इप्सविचसँग खेल्ने छ ।
एमोरिमले पोर्चुगिज क्लब स्पोर्टिङलाई २०२०–२१ को सिजनमा १९ वर्षपछि लिगको उपाधि दिलाएका थिए । २०२३–२४ मा क्लबलाई फेरि उपाधि दिलाए ।
प्रतिक्रिया 4