२०८१ मंसिर १४ गते २२:१६ 
१४ मंसिर, काठमाडौं । नेपाल प्रिमियर लिग (एनपीएल)को मस्कट सार्वजनिक गरिएको छ । ‘जित’ नाम दिइएको उक्त मस्कट शुक्रबार एक कार्यक्रममा सार्वजनिक गरिएको हो ।
नेपाल क्रिकेट संघ (क्यान) ले शुक्रबार एनपीएलको कप्तान मिडिया डे कार्यक्रममा एनपीएलको आधिकारिक मस्कट ‘जित’ लाई भिडियोमार्फत सार्वजनिक गरेको हो ।
उक्त मस्कट एक हिउँ चितुवा रहेको छ । पञ्जेबाजासहित मस्कटलाई स्टेजमा सार्वजनिक गरिएको थियो ।
एनपीएल शनिबारदेखि कीर्तिपुरस्थित टीयू क्रिकेट मैदानमा हुँदै छ ।
उद्घाटन खेलमा विराटनगर किंग्स र जनकपुर बोल्ट्स खेल्दै छन् ।
प्रतिक्रिया 4