२०८१ माघ २१ गते ८:०२ 
२१ माघ, काठमाडौं । स्पेनिस ला लिगा फुटबलअन्तर्गत गएराति भएको खेलमा बार्सिलोनाले झिनो अन्तरको जित हासिल गरेको छ । घरेलु मैदानमा भएको खेलमा बार्सिलोनाले डेपोर्टिभो अलाभेसलाई १-० गोल अन्तरले हराएको हो ।
बार्सिलोनाको जितमा रोबर्ट लेवान्डोस्कीले गरेको एकमात्र गोल नै निर्णायक बनेको थियो । उनले ६१औं मिनेटमा गोल गरेका थिए ।
जितपछि बार्सिलोनाले रियल र एट्लेटिको मड्रिडसँगको अंकदूरी छोट्याएको छ । बार्सिलोना २२ खेलबाट ४५ अंकसहित तेस्रो स्थानमा यथावत् छ ।
शीर्षस्थानको रियलको २२ खेलमा ४९ तथा एट्लेटिकोको ४८ अंक छ । पराजित अलाभेस २१ अंकसहित १८औं स्थानमा छ ।
गएरातिका अन्य खेलमा भ्यालेन्सियाले सेल्टा भिगोलाई र ओसासुनाले रियल सोसिडाडलाई समान २-१ अन्तरले हराउँदा रियल बेटिस र एथ्लेटिक क्लबले २-२ को बराबरी खेले ।
प्रतिक्रिया 4