२०८१ फागुन ६ गते ७:२६ 
६ फागुन, काठमाडौं । स्पेनिस ला लिगा फुटबलअन्तर्गत गएराति भएको खेलमा बार्सिलोनाले साँघुरो जित निकाल्दै शीर्षस्थानमा उक्लिएको छ । बार्सिलोनाले रायो भालेकानोलाई १-० गोलअन्तरले हराएको हो ।
बार्सिलोनाको जितमा पहिलो हाफमा रोबर्ट लेवान्डोस्कीले गरेको गोल नै निर्णायक बन्यो । उनले २८औं मिनेटमा पेनाल्टीमार्फत गोल गरेका थिए । बार्सिलोनाको घरेलु मैदानमा भालेकानोले पनि निरन्तर आक्रमण बुन्दा गोल भने गर्न सकेन ।
यस जितसँगै बार्सिलोनाको २४ खेलबाट ५१ अंक भएको छ । १-१ अंकको दूरीमा रहेका रियल मड्रिड र एट्लेटिको मड्रिडले आ-आफ्नो खेलमा बराबरी खेलेपछि बार्सिलोनालाई शीर्षमा उक्लने मौका थियो ।
दोस्रो स्थानको रियलको समान अंक भएपनि गोलअन्तरका आधारमा पछि पर्यो भने तेस्रो स्थानको एट्लेटिको मड्रिडको ५० अंक छ ।
प्रतिक्रिया 4