४ चैत, जनकपुरधाम । धनुषाको सबैला नगरपालिका–९ भठियानमा प्रहरीको गोली लागेर घाइते भएका युवकलाई थप उपचारको लागि काठमाडौं लगिएको छ ।
मलद्वारमा गोली लागेर गम्भीर घाइते भएका सहिद नगरपालिका–१ कुम्भकरणका २० वर्षीय सन्तोषकुमार यादवलाई ट्रमा सेन्टर काठमाडौं लगिएको छ ।
नेपाली सेनाको स्काई ट्रकबाट थप उपचारको लागि काठमाडौं स्थित ट्रामा सेन्टर लगिएको धनुषाका प्रहरी उपरीक्षक (एसपी) भुवनेश्वर तिवारीले जानकारी दिए । चौक सम्बन्धि विवादमा दुई पक्षबीच झडप भएपछि प्रहरीले नियन्त्रणको लागि गोली चलाएको थियो।
गोली लागेर घाइते भएका यादवलाई उपचारका लागि जनकपुरधामस्थित प्रादेशिक अस्पतालमा ल्याइएको थियो । भठिहनस्थित चोकमा केही समय अघि यादव चोक लेखिएको बोर्ड राखिएको थियो । त्यसपछि अन्य समुदायले सो बोर्ड उखेलेपछि आइतबारदेखि दुई समूहबीच तनाव र झडप बढेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4