काठमाडौँ । ‘द भ्वाइस अफ नेपाल’को सिजन ६ ले उत्कृष्ट दशजना ट्यालेन्ट प्राप्त गरेको छ । शनिबार राती प्रसारित एपिसोडमा अन्तिम १० को समीकरण तयार भयो ।
कोच राजु लामाको टिमबाट प्रशान्त गुरुङ र कोच खेम सेन्चुरीको टिमबाट पविन्द्र सुनार बाहिरिए ।
अन्तिम १० मा कोच राजुको टिमबाट विराट तामाङ र प्रेमश राई छन् । कोच मेलिनाको टिमबाट विकास थारु, रोशन राई र सार्थक लामा छन् । कोच खेमको टिमबाट इन्द्रकला राई र प्रोसेस पाण्डे छन् ।
कोच उदयका ३ ट्यालेन्ट अन्तिम १० मा अटाउन सके, जसमा अर्पणा आचार्य, दावा लामा र सुजन खड्का छन् । जारी नकआउट राउण्डमा यो शुक्रबार र शनिबार दुईजना बाहिरिए ।
भ्वाइसको नकआउट राउण्ड निकै रोचक बनिरहेको छ । यो राउण्डबाट धेरै मत ल्याउने ट्यालेन्ट सुरक्षित छन् भने कम मत ल्याउने बाहिरिएका छन् । जसले गर्दा पनि नतिजा दर्शक र कोच दुवैको लागि रोचक बनिरहेको देखिएको छ ।
भ्वाइस अफ नेपाल हिमालय टिमीबाट प्रत्येक साताको शुक्रबार र शनिबार राती ८ बजे प्रसारण हुँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4