रवीन्द्र मिश्रलाई हाजिरी जमानीमा छोड्न सर्वोच्चको आदेश

News Summary

Generated by OK AI. Editorially reviewed.

सर्वोच्च अदालतले राप्रपा वरिष्ठ नेता रवीन्द्र मिश्रलाई ५० दिनदेखि हिरासतमा राखिएको अवस्थामा थुनामुक्त गर्न आदेश दिएको छ।
रवीन्द्र मिश्रलाई प्रहरी हिरासतमा राखिएको विषय अदालतको ध्यानाकर्षण भएपछि अदालतले यस्तो आदेश दिएको हो।
यस निर्णयले राजनीतिक नेताहरुको हिरासत सम्बन्धी कानुनी प्रक्रिया र अधिकारलाई जोड दिन्छ।

२ जेठ, काठमाडौं । सर्वोच्च अदालतले ५० दिनदेखि प्रहरी हिरासतमा रहेका राप्रपा वरिष्ठ नेता रवीन्द्र मिश्रलाई थुनामुक्त गर्न आदेश दिएको छ ।

बन्दीप्रत्यक्षीकरणको रिटमा सर्वोच्चका न्यायाधीशद्वय कुमार चुडाल र तिलप्रसाद श्रेष्ठको संयुक्त इजलासले शुक्रबार उनलाई हाजिरी जमानीमा थुनामुक्त गर्ने आदेश दिएको हो ।

उनलाई कानुन व्यवसायीको रोहबरमा थुनामुक्त गरिएको छ । गत १५ चैतमा राजावादीहरूले काठमाडौंको तीनकुनेमा गरेको प्रदर्शन हिंसात्मक भएपछि प्रहरीले हिंसा भड्काउन संलग्न रहेको भन्दै सोही दिन बेलुका पक्राउ गरेको थियो ।

राज्यविरुद्धको कसुरजन्य, संगठित अपराधजन्य र अपराधिक उपद्रवजन्य मुद्दामा प्रहरीले हिरासतमा राखेर अनुसन्धान गरिरहेको थियो । त्यसयता प्रहरीले आठ पटकसम्म म्याद थप गरेर हिरासतमा राखेको थियो ।

यो पनि पढ्नुहोस