News Summary
Generated by OK AI. Editorially reviewed.- काभ्रेको धुलिखेलमा विद्युत् पोलमा करेन्ट लागेर मृत्यु भएका उपेश नेपालीको परिवारलाई १० लाख क्षतिपूर्ति दिने सहमति भएको छ।
- सहमतिपत्र अनुसार, परिवारको नाममा संयुक्त खाता खोल्ने र ७ दिनभित्र रकम उपलब्ध गराउने व्यवस्था गरिएको छ।
- विद्युत् प्राधिकरणले अधिकतम १० लाख र न्यूनतम ५ लाख रुपैयाँसम्म क्षतिपूर्तिका लागि पहल गर्ने सहमति पनि भएको छ।
४ जेठ, काभ्रेपलाञ्चोक । काभ्रेको धुलिखेलमा विद्युत्को पोलमा करेन्ट लागेर मृत्यु भएका सर्लाही ईश्वरपुरन नगरपालिका–१२ का उपेश नेपालीको परिवारलाई १० लाख क्षतिपूर्ति उपलब्ध गराइने भएको छ ।
विद्युत् लाइन मर्मतको जिम्मा पाएको सुदिपा निर्माण सेवाका प्रोपाइटर दिपक प्रसाद धिताल र उपेशकी श्रीमती रश्मिला परियारबीच आइतबार सहमति भएको हो ।
सहमति अनुसार, परिवारका सदस्यको नाममा संयुक्त खाता खोलेर ७ दिनभित्र १० लाख रकम उपलब्ध गराउन निर्माण सेवाका प्रोपाइटर धिताल मञ्जुर भएका छन् ।
त्यस्तै, मृतकका परिवारलाई पालन पोषण र छोराछोरीलाई शिक्षाका लागि क्षतिपूर्ति उपलब्ध गराइने सहमतिपत्रमा उल्लेख छ ।
त्यस्तै, विद्युत् प्राधिकरणको काभ्रे वितरण केन्द्रले विद्युत् दुर्घटना क्षतिपूर्ति विनियमावली अनुसार अधिकतम १० र न्युनतम ५ लाख रुपैयाँसम्म उपलब्ध गराउन कार्यकारी प्रमुख अमृत बाबु अधिकारीले पहल गर्ने सहमति पनि भएको छ ।
श्रीमतीलाई रोजगारी
त्यस्तै, पोलमा करेन्ट लागेर मृत्यु भएका उपेशकी श्रीमतीलाई रोजगारीको व्यवस्था गरिने पनि सहमति भएको छ ।
मृतककी श्रीमती रश्मिलालाई घर पायक पर्ने स्थानमा योग्यता अनुसार रोजगारी उपलब्ध गराउने सहमति भएको हो । उनलाई विद्युत् प्राधिकरणकै केन्द्रमा रोजगारी उपलब्ध गराउने सहमति छ ।
काभ्रे वितरण केन्द्रका कार्यकारी प्रमुख अमृत बाबु अधिकारीले रोजगारी सुनिश्चितता गर्न आवश्यक पहल गर्ने सहमति पत्रमा उल्लेख छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4