ट्राभल्स सञ्चालकले नक्कली कागजात देखाएर ४ लाख ठगेको आरोप

News Summary

Generated by OK AI. Editorially reviewed.

प्रहरीले गिल्ट ट्राभल्स एण्ड टुर्स प्रालिका सञ्चालक श्रृजेश कार्कीलाई ठगीको आरोपमा पक्राउ गरेको छ।
उनीहरूले अन्तर्राष्ट्रिय अपांगता सम्मेलन २०२५ मा सहभागी हुने व्यक्तिहरूबाट रकम लिइसके पनि नक्कली टिकट, भिसा र होटल बुकिङ देखाएको प्रहरीले बताएको छ।
कार्की फरार रहेको र उनीसँग सम्बन्धित दुई बैंकिङ कसुर मुद्दामा जाहेरी परेको छ।

६ जेठ, काठमाडौं । गिल्ट ट्राभल्स एण्ड टुर्स प्रालिका सञ्चालक श्रृजेश कार्कीलाई प्रहरीले ठगीको कसुरमा पक्राउ गरेको छ ।

उनले चार लाख ३० हजार रुपैयाँ ठगी गरेको आरोप छ । अन्तर्राष्ट्रिय अपांगता सम्मेलन २०२५ मा सहभागी हुने व्यक्तिहरूको हवाइ टिकट, ट्रान्जिट भिसा, होटल बुकिङ गरिसकेको भन्दै उनीहरूबाट कार्कीले रकम उठाएर ठगी गरेको आरोप छ ।

यसका लागि उनले टिकटदेखि, भिसा, होटल बुकिङ समेत नक्कली देखाएको प्रहरीले बताएको छ । २१ वर्षीय कार्की हिसी शेर्पाको जाहेरी रहेको ७ लाख ५० हजार रुपैयाँको बैंकिङ कसुर मुद्दामा फरार रहेको खुलेको छ । त्यसैगरी राजिव तामाङको जाहेरी रहेको ६ लाख रुपैयाँको अर्को बैंकिङ कसुर मुद्दामा पनि फरार रहेको खुलेको छ ।