कुकुर उद्धार दिवस २०२५ मा विद्यार्थीले गरे ‘ब्रुनो’को उपचार

News Summary

Generated by OK AI. Editorially reviewed.

भेट फर एनिमल वेलफेरले \'डग रेस्क्यु डे\' का अवसरमा ३० जना भेटले बिरामी कुकुर \'ब्रुनो\'को उपचार गरेको छ।

७ जेठ, काठमाडौं । भेट फर एनिमल वेलफेर’ले ‘डग रेस्कयु डे’का अवसरमा एउटा बिरामी कुकुर ‘ब्रुनो’को उपचार गरेको छ । रुपन्देहीको सिद्धार्थनगर नगरपालिका, पाकिहवा क्याम्पसमा पशुचिकित्सा अध्ययन गर्दै गरेका विद्यार्थीहरूले सहयोग उठाएर कुकुरको उपचार गरेका हुन् । भेट फर एनिमलका कार्यकारी सदस्य काव्य घिमिरेका अनुसार ब्रुनोलाई लुतो लगायतका विभिन्न छालाको समस्या भएर छालामा घाउ र शरीरको रौँ झरेको थियो ।

कुकुरहरुलाई खाना खुवाउन जाने क्रममा बिरामी ब्रुनोलाई देखेपछि उसको उपचार गर्ने निर्णय गरेको घिमिरेले बताए । ‘हामीले हिजो कुकुरलाई नुहाइदिने, खाना दिने र उसको उपचार गरिदियौँ’ घिमिरेले भने, ‘अब ब्रुनोलाई थप राम्रो हेरचाह, उचित औषधि, उपचारका लागि सहयोग गरिरहेका छौँ ।’