श्रीमतीको हत्या आरोपमा श्रीमान् पक्राउ, तीन महिनादेखि थिए फरार

१० महिने छोरीको अवस्था अज्ञात

अनलाइनखबर

२०८२ जेठ ८ गते १३:२४

News Summary

Generated by OK AI. Editorially reviewed.

अञ्जलीको शव पूजा कोठामा फेला परेको थियो र शव भेटिनुअघि नै श्रीमान् हरिराम यादव फरार थिए ।
हरिराम १० महिने छोरीसहित फरार भएका थिए, छोरीको अवस्था भने अझै अज्ञात छ ।
प्रहरीले घटनाबारे आज पत्रकार सम्मेलन गरी थप जानकारी दिने जनाएको छ।

८ जेठ, जनकपुरधाम । श्रीमतीको हत्या आरोपमा धनुषा प्रहरीले धनुषाको लक्ष्मीनिया गाउँपालिका बनिनियाँका हरिराम यादवलाई पक्राउ गरेको छ ।

उनी करिब तीन महिनादेखि फरार थिए । गत १७ फागुनमा उनकी श्रीमती २० वर्षीया अञ्जली यादवको शव घरकै पूजा कोठामा गाडिएको अवस्थामा फेला परेको थियो ।

हरिराम र अञ्जलीकी १० महिनाकी छोरीको अवस्था पनि सोही दिनदेखि अज्ञात छ । श्रीमतीसँग विवाद गरिरहने, कुटपिट गरिरहने हरिराम घटनापछि फरार रहेकाले उनैले हत्या गरेको आशंका गरिँदै आएको छ ।

धनुषा प्रहरीले बिहीबार दिउँसो पत्रकार सम्मेलन गरेर हरिरामलाई सार्वजनिक गर्ने तयारी गरेको छ । धनुषाका प्रहरी प्रमुख एसपी नरहरि रेग्मीले पत्रकार सम्मेलनमार्फत् घटनाको विस्तृत विवरण सार्वजनिक गरिने बताए ।