परराष्ट्रमन्त्री आरजु र जापानी विदेशमन्त्री इवायाबीच भेटवार्ता

News Summary

Generated by OK AI. Editorially reviewed.

परराष्ट्रमन्त्री डा. आरजु राणा र जापानी विदेशमन्त्री इवाया ताकेसीबीच टोकियोमा भेटवार्ता भयो।
भेटमा नेपाल-जापान द्विपक्षीय सम्बन्ध, सहयोग र ७० वर्षको इतिहासबारे छलफल भयो।
नेपालले जापानको आर्थिक र सामाजिक सहयोगप्रति धन्यवाद ज्ञापन गर्यो।

९ जेठ, काठमाडौं। परराष्ट्रमन्त्री डा. आरजु राणा देउवा र जापानी विदेशमन्त्री इवाया ताकेसीबीच भेटवार्ता भएको छ। बिहीबार राजधानी टोकियोस्थित विदेश मन्त्रालयमा उनीहरूबीच भेटवार्ता भएको हो।

भेटमा नेपाल जापान द्विपक्षीय सम्बन्ध, आपसी हित र साझा चासोका विविध विषयमा कुराकानी भएको परराष्ट्रमन्त्री राणाको सचिवालयले जनाएको छ।

भेटमा परराष्ट्रमन्त्री डा.राणाले नेपालको आर्थिक, सामाजिक लगायतका क्षेत्रमा विगत लामो समयदेखि गर्दै आएको सहयोगका लागि नेपालका तर्फबाट जापान सरकार र जापानी नागरिकलाई धन्यवाद ज्ञापन गरेकी थिइन्।

यस्तै दुवै समकक्षीबीच नेपाल र जापान सम्बन्धको ७० वर्षे इतिहासका विविध पक्षमा छलफल भएको थियो । नेपाल र जापानबीच सन् १९५६ मा कूटनीतिक सम्बन्ध स्थापना भएको हो।

दुवै देशले आगामी वर्ष कूटनीतिक सम्बन्ध स्थापनाको ७०औँ वार्षिक उतत्सव मनाउँदै छन्।