मन्थलीमा धारिलो हतियार प्रहार गरी बुहारीको हत्या

News Summary

Generated by OK AI. Editorially reviewed.

मन्थली नगरपालिका–१२ गेलुमा ससुराले धारिलो हतियार प्रहार गरी बुहारी पवित्रा बुढाथोकीको हत्या गरे।
बुहारी काठमाडौं बस्दै आएकी थिइन् र घरमा बसिरहेका छोरा लिन आएकी थिइन्, विवादपछि घटना भएको हो।
श्रीमान् खम्बबहादुर बुढाथोकीले साउनमा आत्महत्या गरेपछि परिवारमा तनाव रहेको थियो।

९ जेठ, काभ्रे । मन्थली नगरपालिका–१२ गेलुमा ससुराले धारिलो हतियार प्रहार गरि बुहारीको हत्या गरेका छन् ।

शुक्रबार दिउँसो आफ्नै घरमा आएकी बुहारी वर्ष २८ की पवित्रा बुढाथोकीलाई धारिलो हतियार प्रहार गरि हत्या गरेका हुन् ।

मन्थली १२ सिक्राल घरमा बस्दै आएको छोरा लिन आएकी बुहारीलाई ससुरा शम्भु धारिलो हतियार प्रहार गरेर बुहारीको हत्या गरेको प्रमुख जिल्ला अधिकारी श्यामकृष्ण थापाले जानकारी दिए ।

उनका बुहारी काठमाडौमा बस्दै आएकी थिइन् । यता घरमा ससुरासँग बसिरहेकाे छोरालाई आफूसँग काठमाडौ लैजान भनी उनी घरमा आएकी थिइन् । ससुराले छोरालाई आफूसँग पठाउन नमानेपछि विवाद भएको थियो ।

पवित्राको ९ वर्षको छोरा हजुरबुबासँग बस्दै आएका थिए । मृतक पवित्राको श्रीमान् खम्बबहादुर बुढाथोकीले गएको साउनमा आत्महत्या गरेका थिए ।