युवा संघको अध्यक्षका लागि सुमन पुरीले दर्ता गरे मनोनयन

News Summary

Generated by OK AI. Editorially reviewed.

सुमन पुरीले युवा संघको अध्यक्ष पदको मनोनयन दर्ता गरे, सर्वसम्मत प्रयास असफल भएपछि।
पुरीको प्रस्तावकमा अरूण कुँवर र जीवन शाही रहेका छन्, मनोनयन आज बेलुकी ७ बजेसम्म दर्ता भयो।
पुरी र थेबेबीच अध्यक्ष पदको प्रतिस्पर्धा हुनेछ, पुरी निवर्तमान महासचिव हुन्।

११ जेठ, पोखरा । युवा संघको अध्यक्षका लागि सुमन पुरीले मनोनयन दर्ता गराएका छन् ।

पोखरामा जारी दशौं राष्ट्रिय महाधिवेशनको नेतृत्वका लागि सर्वसम्मतको प्रयास असफल भएपछि पुरीले अध्यक्षमा आफ्नो मनोनयन दर्ता गराएका हुन् ।

पुरीको प्रस्तावकमा सुदूरपश्चिम प्रदेश अध्यक्ष अरूण कुँवर र समर्थक कर्णाली प्रदेश अध्यक्ष जीवन शाही छन् ।

आज बेलुकी ७ बजेसम्मका लागि मनोनयनको समय तोकिएको थियो। सोही समयभित्रै उनले मनोनय दर्ता गराएका हुन् । अब पुरी र थेबेबीच अध्यक्षका लागि प्रतिस्पर्धा हुनेछ ।

पुरी युवा संघको नेतृत्वका लागि निवर्तमान कार्यसमितिका महासचिव हुन् भने थेवे निवर्तमान अध्यक्ष हुन् ।

यस्तै युवासंघको उपाध्यक्षमा प्रकाश गौतम, पर्वत भण्डारी, महासचिवमा कुबेर अधिकारी, उपमहासचिव खेम शर्माले सुमनको समूहबाट मनोनयन दर्ता गराएका छन् ।