महोत्तरीको बर्दिबासबाट १५७ किलो गाँजासहित दुईजना पक्राउ

News Summary

Generated by OK AI. Editorially reviewed.

महोत्तरीको बर्दिबासबाट लागूऔषध १५७ किलो गाँजा सहित दुईजना पक्राउ परेका छन्।
पक्राउ पर्नेमा स्कारपियो चालक लालबाबु साह र अभिषेक परियार रहेका छन्।
प्रहरीले स्कारपियो र गाँजा जफत गरी थप अनुसन्धान गरिरहेको जनाएको छ।

१४ जेठ, जनकपुरधाम । महोत्तरीको बर्दिबासबाट लागूऔषध १५७ किलो गाँजासहित दुईजना पक्राउ परेका छन् । पक्राउ पर्नेमा स्कारपियो चालक सर्लाहीको हरिवन नगरपालिका ५ पर्कोलीका ३५ वर्षीय लालबाबु साह र स्करापियोमा सवार सर्लाहीको हरिवन नगरपालिका ३ बुद्धचोकका २१ वर्षीय अभिषेक परियार रहेका छन् ।

महोत्तरीका प्रहरी प्रवक्ता डीएसपी शैलेन्द्र कुमार भट्टका अनुसार आज दिउँसो साढे १२ बजेतिर पूर्व पश्चिम राजमार्ग अन्तर्गत बर्दिवास नगरपालिका १ स्थित शुभ स्वस्तिक हस्पिटल पूर्वतर्फ आउदै गरेको बा ११ च. ३४९४ नम्बरको सेतो रंगको स्कारपियोलाई रोकी चेकजाँच गर्दा भित्र गाँजा फेला परेको हो ।

स्कारपियो भित्र प्लास्टिकमा बेरेर लुकाई छिपाई राखेको अबैध लागु औषध गाँजा ३० पोका फेला परेको थियो । त्यसको तौल १५७.९ किलो ग्राम रहेको डिएसपी भट्टले बताए ।लागूऔषध गाँजा, स्कारपियो गाडीसहित पक्राउ दुबैजनामाथि थप अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।