चालु आवमा ८९.४ प्रतिशत मात्र बजेट खर्च हुने संशोधित अनुमान

News Summary

Generated by OK AI. Editorially reviewed.

सरकारले चालु आर्थिक वर्षको बजेटको ८९.४ प्रतिशत मात्र खर्च हुने अनुमान गरेको छ।
अर्थमन्त्री विष्णु प्रसाद पौडेलले आगामी आर्थिक वर्षको बजेटको संशोधित अनुमान प्रस्तुत गरे।
यस वर्षको बजेट १८ खर्ब ६० अर्ब रहेको र खर्च १६ खर्ब ६२ अर्बसम्म सीमित हुने अपेक्षा गरिएको छ।

१५ जेठ, काठमाडौं । चालु आर्थिक वर्ष २०८१/८२ मा कूल विनियोजनको ८९.४ प्रतिशत मात्र बजेट खर्च हुने अनुमान सरकारले गरेको छ ।

आगामी आर्थिक वर्ष २०८२/८३ को बजेट प्रस्तुत गर्दै अर्थमन्त्री विष्णुप्रसाद पौडेलले चालु आवको बजेटको संशोधित अनुमान पेस गरेका हुन् ।

यस वर्ष सरकारले १८ खर्ब ६० अर्ब बराबरको बजेट कार्यान्वयन गरिरहेको छ । यो अब १६ खर्ब ६२ अर्ब अर्थात् ८९.४ प्रतिशतमा खुम्चिने अनुमान सरकारले गरेको हो ।

चालु खर्च विनियोजनको ८८.५ प्रतिशत र पूँजीगततर्फ ८३ प्रतिशत प्रतिशत हुने सरकारको अनुमान छ । वित्तीय व्यवस्थातर्फ भने ९७.६ प्रतिशत खर्च हुने भएको छ । यस आवमा राजस्व परिचालन १७.१ प्रतिशतले बढ्ने अनुमान अर्थमन्त्रीले गरेका छन् ।