उत्पादन पछिमात्रै आईपीओ जारी गर्न पाउने नियमले समस्या : अध्यक्ष कार्की

News Summary

Generated by OK AI. Editorially reviewed.

स्वतन्त्र ऊर्जा उत्पादक संघका अध्यक्ष गणेश कार्कीले निजी क्षेत्रका आयोजना समयमा नसकिने बताएका छन्।
उनले आईपीओ जारी गर्न नपाउँदा पुँजी अभाव भएको र ऊर्जा क्षेत्रमा समस्या देखिएको बताए।
उनले ६१ खर्ब आवश्यक पर्ने ऊर्जा आयोजना अघि नबढ्ने शंका व्यक्त गरे।

१७ जेठ, काठमाडौं । स्वतन्त्र ऊर्जा उत्पादक संघ इप्पानका अध्यक्ष गणेश कार्कीले निजी क्षेत्रका आयोजनाहरूको काम समयमा नसकिने अवस्था रहेको बताएका छन् ।

शनिबार नेपाल आर्थिक पत्रकार संघ (नाफिज) ले आयोजना गरेको पोस्ट बजेट छलफल कार्यक्रममा उनले आईपीओ जारी गर्न नपाउँदा पुँजी अभाव भएकोले सरकारले ध्यान दिनुपर्ने बताएका हुन् ।

‘ऊर्जा क्षेत्र अघि नबढ्ने हो कि भन्ने शंका छ । उत्पादन पछि मात्रै आईपीओ जारी गर्न पाउने नियमले यसमा समस्या हुने दखिएको छ । ६१ खर्ब आवश्यक पर्ने भनिएको छ । अहिले ३६५ वटा आयोजनाहरु लाइसेन्स लिएको बसेको अवस्था रहेको,’ उनले भने ।

५६०० मेगावाट आयोजनाहरू लाइसेन्स बसेको र १७ हजार भन्दा बढी मेगावाट क्षमताका आयोजनाहरू रन अफ रिभरमा रहेको उनले बताए ।

‘चाहेको अवस्थामा मात्रै विद्युत् किन्ने नियमले उत्पादन हुने विद्युत् खपत नहुन सक्छ । खनाल आयोगको सुझावले पनि केही समस्या रहेको छ,’ उनले भने ।