२०८२ जेठ १७ गते १९:३२ 
News Summary
Generated by OK AI. Editorially reviewed.- हिमालयन जाभा बास्केटबल लिगमा टाईम्सले कीर्तिपुरलाई ९१-९० अंकले पराजित गरेको छ।
- सदिश प्रधानले २७ अंक स्कोर गरे र टाईम्सले सुरुवातदेखि नै अग्रता कायम राखेको थियो।
- अन्तिम क्वाटरमा कीर्तिपुरले सानदार कमब्याक गरेपनि जितका लागि पर्याप्त हुन सकेन।
१७ जेठ,काठमाडौं । निश्चल महर्जन एक्लैले ४३ अंक जोडेपनि हिमालयन जाभा बास्केटबल लिग (एचजेबीएल)मा कीर्तिपुर टाईम्स क्लबसँग एक अंकको अन्तरले पराजित भएको छ ।
अन्तिम क्वाटरमा कीर्तिपुरले सानदार कमब्याक गरेपनि जितसम्म पुग्न सकेन । कीर्तिपुर कभर्डअलमा शनिबार निकै रोमाञ्चक खेलमा टाईम्सले कीर्तिपुरलाई ९१-९० ले पराजित गरेको हो ।
टाईम्सका लागि मोस्ट भ्यालुएबल प्लेअर बनेका सदिश प्रधानले २७ अंक स्कोर गरे । टाईम्सले पहिलोक्वाटरमा २९-११ को अग्रतासहित सानदार सुरुवात गरेको थियो । दोस्रो क्वाटरमा दुवैले समान २६अंक जोड्दा टाईम्सले हाफटाईमसम्म ५५-३७ को अग्रता बनाएको थियो ।
तेस्रो क्वाटर कीर्तिपुरले २५-२२ ले आफ्नो पक्षमा पार्यो । अन्तिम क्वाटरअघि टाईम्सले ७७-६२ को अग्रता लिएको थियो ।
चाैथो तथा अन्तिम क्वाटरमा कीर्तिपुरले घरेलु दर्शकको समर्थनमा सानदार प्रदर्शन गर्दै २८-१४ ले आफ्नो पक्षमा पारेको थियो । तैपनि कीर्तिपुर जितसम्म पुग्न सकेन ।
प्रतिक्रिया 4