२०८२ जेठ १९ गते ११:४५ 
News Summary
Generated by OK AI. Editorially reviewed.- काठमाडौंमा आयोजित ३८औं क्यान्सर सर्भाइभर दिवसमा क्यान्सर विजेताहरूले जित्न सकिने र मानसिक स्वास्थ्यको महत्त्व व्यक्त गरे।
- क्यान्सर विजेता वरिष्ठ गायिका मीरा राणाले अहिले पनि क्यान्सर सुन्दा डर लाग्ने तर जित्न सकिने बताइन्।
- नेपाल क्यान्सर सर्भाइभर सोसाइटीकी अध्यक्ष प्रमिला खनालले विजेताहरूबीच भावनात्मक सम्बन्ध र हौसला आवश्यक रहेको बताए।
१९ जेठ, काठमाडौं । क्यान्सर विजेताहरूले ३८औँ क्यान्सर सर्भाइभर दिवस मनाएका छन् । नेपाल क्यान्सर सर्भाइभर सोसाइटीको आयोजनामा काठमाडौंमा यो दिवस मनाइएको हो ।
कार्यक्रममा क्यान्सर विजेता वरिष्ठ गायिका मीरा राणाले अहिले पनि क्यान्सर सुन्दा डर लागे पनि जित्न सकिने बताइन् । ‘४० कटेपछि चाहिँ महिलाले दुई वर्षको फरकमा मेमेग्राफ गराउनुपर्दो रहेछ’ राणाले भनिन् ।
क्यान्सर भएका व्यक्ति घरको पर्खालभित्र मात्रै नबसी बाहिर निस्केर केही न केही काम गर्न राणाको सुझाव छ । त्यसले मानसिक समस्या ल्याउन नदिने उनले बताइन् ।
अर्का क्यान्सर विजेता तथा ‘साइकलयात्री’ ध्रुवप्रसाद हुमागाईँले क्यान्सर लाग्दैमा व्यक्तिको मृत्यु नभइहाल्ने बताए । ‘क्यान्सरलाई जित्न सकिन्छ, यो लाग्दैमा मरिँदैन । क्यान्सर विजेताहरूले क्यान्सरको उयपचार गरिरेहेकाहरूको पनि हौसला बढाउनुपर्छ ।
नेपाल क्यान्सर सर्भाइभर सोसाईटीकी अध्यक्ष प्रमिला खनालले क्यान्सर विजेताहरूमा भावनात्मक रूपमा गहिरो सम्बन्ध रहेको बताइन् । ‘हामीमा भावनात्मक सम्बन्ध गहिरो छ’ खनालले भनिन्, ‘हामीहरू एक अर्कामा हौसला दिने र आत्मबलसहित अगाडि बढ्नुपर्छ ।’
कार्यक्रमा मेची–महाकाली साइकलयात्रा पूरा गरेकी क्यान्सर विजेता नमिता बस्नेतलाई सम्मान गरिएको थियो ।
सन् १९८८ देखि देखि जुन महिनाको पहिलो आइतबार ‘क्यान्सर सर्भाइभर डे’ मनाउने गरिन्छ । नेपालमा भने आठ वर्ष अघिदेखि यही दिन ‘राष्ट्रिय क्यान्सर सर्भाइभर दिवस’ मनाउन थालिएको हो ।
प्रतिक्रिया 4