२०८२ जेठ २१ गते ११:०१ 
News Summary
Generated by OK AI. Editorially reviewed.- नेपालले आज नेदरल्याण्ड्ससँग आईसीसी क्रिकेट विश्वकप लिग २ को एकदिवसीय खेल खेल्दैछ।
- नेपालले पहिलो खेलमा स्कटल्याण्डमाथि जित हासिल गरेको थियो र सोही लय दोहोर्याउने लक्ष्य राखेको छ।
- नेपाल र नेदरल्याण्ड्सबीच हालसम्म ५ खेलमा २-३ को परिणाम छ र नेपालले २०१८ मा पहिलो पटक ओडिआई जितेको थियो।
२१ जेठ, काठमाडौं । स्कटल्याण्डमा जारी आईसीसी क्रिकेट विश्वकप लिग २ को एकदिवसीय शृंखलामा आज नेपालले नेदरल्याण्ड्ससँग खेल्दैछ । खेल नेपाली समयअनुसार अपरान्ह पौने ४ बजेदेखि डुन्डीमा सुरु हुनेछ ।
पहिलो खेलमा नेपालले स्कटल्याण्डमाथि १ विकेटको रोमाञ्चक जित निकालेको थियो । नेपाल सोही लय दोहोर्याउने लक्ष्यका साथ मैदानमा उत्रनेछ ।
नेपालले नेदरल्याण्ड्ससँग यस लिग २ साइकलमा यसअघि पनि खेलिसकेको छ । गत वर्षको फेब्रुअरीमा कीर्तिपुरमै भएको एकदिवसीय शृंखलामा नेपालले १ खेल जित्दा १ खेलमा पराजित भएको थियो ।
हालसम्म नेपाल र नेदरल्याण्ड्सबीच ओडिआईमा भएका ५ खेलमध्ये २ खेल नेपालले जितेको छ भने नेदरल्याण्ड्सले ३ खेल जितेको छ । पछिल्लोपटक कीर्तिपुरमा भएको २ खेलमा १-१ को नतिजा हुनुअघि जिम्बावेको हरारेमा सन् २०२३ मा भएको विश्वकप छनोटको खेलमा नेदरल्याण्ड्स विजयी भएको थियो ।
त्यसअघि नेपालले आफ्नो पहिलो एकदिवसीय अन्तर्राष्ट्रिय खेल नेदरल्याण्ड्ससँग सन् २०१८ मा खेल्दा पहिलो खेल हारेपनि दोस्रो खेल जितेको थियो र ओडिआईमा पहिलो जित निकालेको थियो ।
लिग २ को अंकतालिकामा २० खेलबाट २६ अंक भएको नेदरल्याण्ड्स दोस्रो स्थानमा छ भने नेपाल १३ खेलमा ८ अंक जोडेर सातौं स्थानमा छ ।
प्रतिक्रिया 4