वाईसीएलको नेतृत्व सहमतिमा टुंगिनेमा आशावादी छौःं अग्नि सापकोटा

वाईसीएलको अध्यक्षका दाबेदारहरु

News Summary

Generated by OK AI. Editorially reviewed.

नेकपा माओवादी केन्द्रले वाईसीएलको नेतृत्व सहमतिमा टुंगिने संकेत गरेको छ।
बैठकले वाईसीएलको नयाँ नेतृत्व सहमति खोज्ने प्रयासलाई प्राथमिकता दिएको छ।
सम्मेलन दुई दिनदेखि जारी भए पनि नेतृत्व चयनमा सहमति नहुँदा टुङ्गो नलागेको छ।

२२ जेठ, काठमाडौं । नेकपा माओवादी केन्द्रले वाईसीएल नेतृत्व सहमतिमा टुंगिने संकेत गरेको छ । पार्टी अध्यक्ष पुष्पकमल दाहाल ‘प्रचण्ड’ निवास खुमलटारमा बिहीबार बसेको सचिवालय बैठकमा वाईसीएलको नयाँ नेतृत्व सहमतिमा ल्याउन अधिकतम पहल गर्ने जनाएको छ ।

वाईसीएलको तेस्रो सम्मेलन आइतबारदेखि काठमाडौंमा जारी छ । तर नेतृत्व चयन सहमतिमा गर्ने कि निर्वाचनबाट भन्नेमा एकमत नहुँदा सम्मेलन दुई दिन लम्बिसकेको छ ।

आजको सचिवालय बैठकमा अध्यक्ष प्रचण्डले वाईसीएलको सम्मेलनको नेतृत्व चयनमा भइरहेको सहमतिको प्रयास बारे विस्तृत जानकारी गराएको उपाध्यक्ष एवं पार्टी प्रवक्ता अग्नि सापकोटाले जानकारी गराए ।

बैठकले वाईसीएल इञ्चार्ज रामप्रसाद सापकोटा र संगठन अध्यक्ष सुवोध शेर्पालीलाई आकांक्षी सबैसँग छलफल गरेर पार्टीलाई रिपोर्ट पेश गर्न निर्देशन दिएको छ । ‘अहिले हामी बढी केमा आशावादी भएका छौं भने वाईसीएलको नेतृत्व सहमतिमा टुंगिन्छ,’ सापकोटाले भने, ‘क्षमतावान्, उर्जावान् लिडरसीप हुनुपर्दछ । उसलाई पार्टीको तर्फबाट निष्पक्ष भएर सहजीकरण गर्नुपर्दछ ।’