गलत गर्ने सबैलाई कारबाही हुनुपर्छ : कांग्रेस नेता भण्डारी

News Summary

Generated by OK AI. Editorially reviewed.

कांग्रेस नेता डा. चन्द्र भण्डारीले मन्त्रिपरिषद्को निर्णयमा भएका सबै गलत काममा कारबाही आवश्यक रहेको बताए।
उनले सत्ताको रापतापमा गलत काम गर्न हुने गरेको भन्दै सबैलाई कारबाही गर्नुपर्ने बताएका हुन् ।
भण्डारीले सबै ठाउँमा राजनीति हुँदा समस्या पैदा भएको बताए।

२२ जेठ, काठमाडौं । नेपाली कांग्रेसका नेता डा. चन्द्र भण्डारीले मन्त्रिपरिषद्को निर्णयको नाममा भएका सबै गलत काममा कारबाही हुनुपर्ने बताएका छन् ।

पूर्वप्रधानमन्त्री माधवकुमार नेपालविरुद्ध विशेष अदालतमा भ्रष्टाचारको मुद्दा दायर भएपछि सञ्चारकर्मीसँगको कुराकानीमा भण्डारीले सबै गलत काममाथि कारबाही हुनुपर्ने बताएका हुन् ।

‘सत्ताको रापतापमा मुलुक र जनतालाई घाटना हुने काम गर्न हुँदैन भन्ने सबैले बुझ्नुपर्‍यो । अहिले माधव नेपाल पर्नुभयो । गल्ती त धेरैले गरेका छन्,’ उनले भने, ‘मन्त्रिपरिषद्को निर्णय हो भनेर मुलुक र जनतालाई घाटा हुने जे पनि काम गर्न पाइँदैन ।’

सत्ताको आडमा धेरैले गलत काम गरेको भन्दै उनले ती सबैलाई कारबाहीको दायरामा ल्याउनुपर्ने बताए । ‘कारबाही सबैलाई हुनुपर्छ । एउटालाई मात्र होइन,’ उनले थपे, ‘जेल पनि ठूलो बनाउनुपर्‍यो ।’

उनले योग्यभन्दा आफ्ना मान्छे खोज्ने प्रवृत्तिका कारण सबै क्षेत्र राजनीतिकरण भएको बताए ।

यो पनि पढ्नुहोस