मकालुमा फहराइएको सन्देशमुलक ब्यानर ट्राफिकलाई हस्तान्तरण

News Summary

Generated by OK AI. Editorially reviewed.

काठमाडौं उपत्यका प्रहरी कार्यालयले मकालु हिमालमा फहराइएको सन्देशमूलक ब्यानर ट्राफिक प्रहरीलाई हस्तान्तरण गर्‍यो।
ब्यानरमा ‘ट्राफिक नियमको पालना गरौं, दुर्घटनाबाट आफू बचौं र अरूलाई पनि बचाऔं’ भन्ने नारा लेखिएको थियो।
दोलखाकी दाबुटी शेर्पाले सन् २०२५ मे २९ मा मकालु हिमाल आरोहण गरी ब्यानर फहराएकी थिइन्।

२२ जेठ, काठमाडौं । विश्वको पाँचौ अग्लो मकालु हिमालमा फहराइएको सन्देशमुलक ब्यानर ट्राफिक प्रहरीलाई हस्तान्तरण गरिएको छ ।

काठमाडौं उपत्यका प्रहरी कार्यालय रानिपोखरीका एआईजी टेकबहादुर तामाङले उक्त ब्यानर बिहीबार ट्राफिक प्रहरीलाई हस्तान्तरण गरेका हुन् ।

‘ट्राफिक नियमको पालना गरौं, दुर्घटनाबाट आफू बचौं र अरूलाई पनि बचाऔं’ भन्ने नारा अंकित सन्देशमूलक ब्यानर हस्तान्तरण गरिएको हो ।

काठमाडौं उपत्यका ट्राफिक प्रहरी कार्यालयले प्रदान गरेको उक्त सन्देशमूलक ब्यानरसहित दोलखाकी दाबुटी शेर्पाले सन् २०२५ मे २९ मा मकालु हिमालको सफलतापूर्वक आरोहरण गर्दै री शिखरमा फहराएकी थिइन् ।

मकालु हिमाल आरोही शेर्पाले उक्त ब्यानर एआईजी तामाङलाई हस्तान्तरण गरेकी थिइन् । एआईजी तामाङले उक्त ब्यानर ट्राफिकलाई हस्तान्तरण गरेका हुन् ।