२०८२ जेठ २२ गते १९:४९ 
News Summary
Generated by OK AI. Editorially reviewed.- नेपालले अन्तर्राष्ट्रिय मैत्रीपूर्ण फुटबल खेलमा हङकङसँग बराबरी खेलेको छ।
- खेलमा नेपालका कप्तान किरण चेम्जोङले राम्रा बचाउ गरे।
- नेपालले एसियन कप छनोट तयारीको रूपमा खेल खेलेको थियो।
२२ जेठ, काठमाडौं । अन्तर्राष्ट्रिय मैत्रीपूर्ण फुटबल खेलमा नेपालले हङकङलाई बराबरीमा रोकेको छ । नेपालले उत्कृष्ट प्रदर्शन गर्दै हङकङ नेसनल स्टेडियममा बिहीबार भएको खेलमा हङकङलाई गोलरहित बराबरीमा रोकेको हो ।
घरेलु मैदानमा हङकङले नेपालमाथि लगातार आक्रमण गरेपनि नेपाली कप्तान गोलकिपर किरण चेम्जोङले केही राम्रा बचाउ गर्दा गोल गर्न सकेन । पहिलो हाफमा हङकङको दुई प्रहार नेपालका किपर किरणले बचाएका थिए ।
दोस्रो हाफमा पनि हङकङले नेपालमाथि लगातार दबाब बनाएपनि नेपालले गोल गर्न दिएन । दोस्रो हाफमा पनि नेपाली गोलकिपर किरणले केही राम्रा बचाउ गर्दा हङकङ गोल गर्नबाट बन्चित रह्यो । नेपालका मणि लामा इन्जुरी टाइममा रातो कार्डको सामना गर्दै मैदान बाहिरिएका थिए ।
नेपालले ३७ वर्षपछि हङकङसँग सिनियर स्तरमा फुटबल खेलेको हो ।
एएफसी एसियन कप छनोटको तयारस्वरुप यो मैत्रीपूर्ण खेल खेलिएको हो । नेपालले पनि खेलमा केही राम्रा अवसर बनाएपनि फिनिसिङ गर्न सकेन ।
नेपालका मुख्य प्रशिक्षक म्याट रोस र कप्तान किरण चेम्जोङले हङकङ विरुद्ध जित्नकै लागि खेल्न बताएका थिए । तर नेपालले पनि खेलमा गोल गर्न सकेन ।
आफू भन्दा वरियतामा २२ स्थान माथि रहेको हङकङलाई बराबरीमा रोक्नु पनि नेपालको लागि सकरात्मक पक्ष हो । एसियन कप छनोटमा समूह एफमा रहेको नेपालले यही जुन १० मा लाओससँग उसैको मैदानमा खेल्नेछ ।
नेपाली टोली उतैबाट लाओस जानेछ । छनोटको समूह सी मा रहेको हङकङले जुन १० मै घरेलु मैदानमा भारतसँग खेल्नेछ ।
प्रतिक्रिया 4