२०८२ जेठ २३ गते ७:४२ 
News Summary
Generated by OK AI. Editorially reviewed.- दक्षिण कोरियाले ११औं पटक फिफा विश्वकपमा स्थान बनाएको छ।
- कोरियाले इराकलाई २-० ले पराजित गरी समूह बी मा शीर्ष स्थान हासिल गर्यो।
- सन् १९८६ यता कोरिया लगातार विश्वकपमा छनोट हुँदै आएको छ।
२३ जेठ, काठमाडौं । एसियाली राष्ट्र दक्षिण कोरिया लगातार ११औं पटक फिफा विश्वकपमा छनोट भएको छ ।
एसियाली तेस्रो चरणको छनोटमा गएराती इराकलाई २-० ले पराजित गरेपछि दषिण कोरियाले अर्को वर्ष उत्तर अमेरिकाको अमेरिका, मेक्सिको र क्यानडामा संयुक्त रुपमा आयोजना हुने विश्वकपमा स्थान बनाएको हो ।
कोरियाको जितमा किम जिन ग्युले ६३औं र ओए हाएन ग्युले ८२औ मिनेटमा गोल गरे । जितपछि समूह बी मा रहेको कोरियाले ९ खेलबाट १९ अंक जोडेर शीर्ष स्थानमा छ । कोरियाले कुवेतसँग अन्तिम खेल खेल्न बाँकी छ र उक्त खेल हारेपनि कोरिया शीर्ष दुईमा रहने पक्का छ ।
एसियाली क्षेत्रको तेस्रो चरणको छनोटमा १८ टोलीलाई तीन समूहमा विभाजन गरेर खेलाइएको छ । जसमा हरेक समूहको शीर्ष दुईमा रहने टोलीले २०२६ को फिफा विश्वकपमा छनोट हुनेछन् ।
सन् १९८६ यता कोरिया लगातार विश्वकपमा छनोट भएको छ ।
प्रतिक्रिया 4