आयकर ऐनको मर्म नबिगार्न सरकारलाई चार्टर्ड एकाउन्टेन्टको सुझाव

News Summary

Generated by OK AI. Editorially reviewed.

नेपाल चार्टर्ड एकाउन्टेन्ट्स संघले आयकर ऐनको भावना विपरीत कर संकलन बढाउने कार्यलाई आलोचना गरेको छ।
उनीहरूले कर व्यवस्था समयसापेक्ष व्याख्या र स्पष्ट उद्देश्य आवश्यक रहेको बताएका छन्।
सरकारले राजस्व संकलनको नाममा आयकर ऐन बदनाम भएको र करदातालाई अन्याय हुन सक्ने तर्क राखिएको छ।

२६ जेठ, काठमाडौं । सरकारलाई राजस्व संकलन बढाउने दबाबमा आयकर ऐनको मर्म नबिगार्न चार्टर्ड एकाउन्टेन्टहरूले सुझाव दिएका छन् ।

नेपाल चार्टर्ड एकाउन्टेन्ट्स संघ (एक्यान) ले आर्थिक विधेयक २०८२ उपरको छलफलमा सहभागी सरोकारवालाले यस्तो बताएका हुन ।

उनीहरूले आयकर ऐनको भावना विपरीत कर संकलन बढाउने नाममा सरकारले आफू अनुकूल व्याख्या गरेर कर उठाउँदा आर्थिक गतिविधिमा बाधा पुग्न सक्ने तर्क राखेका छन् ।

साथै, एकै प्रकृतिका छुटले कर अनुशासनमा बाधा पुग्न सक्ने र करदातालाई अन्याय हुन सक्ने सरोकारवालाको भनाइ छ ।

सरकाले राजस्व संकलन बढाउने नाममा आयकर ऐन बदनाम गरेको चार्टर्ड एकाउन्टेन्ट सुदर्शनराज पाण्डेले बताए । धेरै अध्ययन तथा अनुसन्धान गरेर ल्याइएको आयकर ऐन राजस्व संकलन दबाबले बदनाम भइरहेको बताए ।

उनले आयकर ऐनका कतिपय व्यवस्था समय सापेक्ष बनाउने स्पष्ट व्याख्यासहित पुनर्लेखन गर्नुपर्ने बताए ।

एक्यान अध्यक्ष अरुण राउत, सीए उमेशराज पाण्डे, सीए इशा श्रेष्ठ र कर जानकार तथा अधिवक्ता अनुप उप्रेतीले कर छुटको उद्देश्य र लक्षित समूह स्पष्ट हुनुपर्नेमा जोड दिए ।

एक्यानले सरकारका हरेक आर्थिक विधेयकपछि कर कानुनका प्रयोग तथा सहजीकरण विषयमा छलफल गर्ने गरेको छ ।