२०८२ जेठ २७ गते १५:०० 
News Summary
Generated by OK AI. Editorially reviewed.- नेपाल क्रिकेट संघले जनाएको अनुसार, सोमपाल कामी र गुल्शन झाले चोटका कारण आगामी खेलहरू गुमाउने भएका छन्।
- प्रशिक्षण सत्रमा घाइते भएका दुबै खेलाडीलाई चिकित्सकले उपचार र आरामको सल्लाह दिएका छन्।
- आईसीसी विश्वकप लिग २ का खेलहरूमा उनीहरूले भाग लिन सक्ने छैनन्।
२७ जेठ, काठमाडौं । स्कटल्याण्डमा जारी आईसीसी विश्वकप लिग २ एकदिवसीय श्रृंखलामा सहभागिता जनाइरहेका दुई नेपाली खेलाडीहरूले चोटका कारण बाँकी खेलहरू गुमाउने भएका छन् ।
प्रशिक्षण सत्रका क्रममा सोमपाल कामी र गुल्शन झा घाइते भएपछि लिग २ मा आजै हुने नेदरल्याण्ड्ससँगको ओडिआई र त्यसपछि सुरु हुने टी२०आई शृंखला गुमाउने भएका हुन् ।
नेपाल क्रिकेट संघका अनुसार सोमपाल कामीको दायाँ हातमा र गुल्शन झाको घुँडामा चोट लागेको छ।
चिकित्सकको परामर्शअनुसार दुवै खेलाडी तत्काल उपचार तथा आराममा रहने निर्णय गरिएको छ।
सोमपाल र गुल्शनले हाल भइरहेको लिग २ मा नेपालका लागि महत्वपूर्ण प्रदर्शन गरेका थिए ।
सोमपालले यसअघिको खेलमा ब्याटबाट शानदार ६७ रन बनाउँदै जितको नजिक पुर्याएपनि नेपाल २ रनले चुकेको थियो ।
गुल्शनले पहिलो खेलमा करण केसीसँग साझेदारी गर्दै नेपालको कीर्तिमानी जितमा भूमिका खेलेका थिए ।
प्रतिक्रिया 4