‘यानीमाया’मा केन्द्रित हुने भन्दै पलले छाडे ‘महाराजधिराज’

News Summary

Generated by OK AI. Editorially reviewed.

अभिनेता पल शाहले ‘महाराजधिराज’ फिल्मबाट बाहिरिएको घोषणा गरे।
उहाँले आफ्नो अर्को फिल्म ‘यानीमाया’को तयारीका कारण ‘महाराजधिराज’ गर्न नसक्ने बताए।
‘महाराजधिराज’को छायांकन र रिलिज मिति अनिश्चित बनेको छ।

काठमाडौं । अभिनेता पल शाह निर्माण हुने तयारीमा रहेको फिल्म ‘महाराजधिराज’बाट बाहिरिएका छन् । निर्माता कम्पनी छत्रेश्वरी म्यानेजमेन्टले शाहसँगको सम्झौता अन्त्य भएको जनाएको छ ।

विहिबार बेलुका सामाजिक संजालबाट प्रेषित विवरणमा आपसी सहमतीमा शाह र कम्पनीबीचको सम्झौता अन्त्य भएको उल्लेख छ । पलले पनि आफ्नो कम्पनी पल शाह फिल्म्सले निर्माण गर्ने र आफूले अभिनय गर्ने अर्को फिल्म ‘यानीमाया’को लागि तयारी गर्नुपर्ने हुँदा समय जुधेकाले आफूले ‘महाराजाधिराज’ गर्न नसक्ने प्रष्टीकरण दिएका छन् ।

पलको बहिर्गमनसँगै ‘महाराजधिराज’को पूर्वनिर्धारित असार पहिलो सातादेखि सुरु हुने भनिएको छायांकन अनिश्चित बनेको छ भने दशैंमा रिलिज हुने सम्भावना पनि न्यून बनेको छ ।

आफ्नो पहिलो प्राथमिकता यानीमाया हुने उनको भनाइ छ । पलले प्रोजेक्ट छाडेपछि उनको ठाउँमा ‘महाराजधिराज’मा कुन कलाकारको इन्ट्री हुन्छ भन्ने तत्काल यकिन छैन । जसको प्रभाव दशैंमा तय गरिएको प्रदर्शन मितिमा देखिने अनुमान छ ।