हिँड्दा डिप्रेसन र चिन्ता कम हुन्छ ?

आजकल खराब जीवनशैली र तनावका कारण मानिसहरूमा डिप्रेसनको समस्या बढ्दै गएको छ । यद्यपि, यो समस्या एक्लोपन, खराब मूड र चिन्ताबाट सुरु हुन्छ, तर समयसँगै यो समस्या तीव्र रूपमा बढ्न थाल्छ ।

त्यसपछि व्यक्तिले डिप्रेसनका लक्षणहरू महसूस गर्न थाल्छ र समयसँगै यो अवस्था गम्भीर रूप लिन्छ । तर, यदि जीवनशैलीलाई सुधार गरियो भने, तपाईं डिप्रेसन र चिन्ताबाट बच्न सकिन्छ । यसका साथै, हिँडाइको सहयोगले पनि यो अवस्थाबाट बाहिर निस्कन सकिन्छ ।

के हिँडाइले डिप्रेसन र चिन्ता कम गर्न सक्छ ?

हिँडाइ, व्यायामको एक साधारण र सुलभ रूप हो, जसले मानसिक स्वास्थ्यलाई सुधार गर्छ ।  नियमित हिँडाइले डिप्रेसन र चिन्ताका लक्षणहरूलाई उल्लेखनीय रूपमा कम गर्न सक्छ भन्ने कुरा अध्ययनहरूले देखाउँछन्  । जसले तत्काल र दीर्घकालीन भावनात्मक राहत प्रदान गर्छ ।

शारीरिक गतिविधिले एन्डोर्फिनको उत्पादनलाई उत्प्रेरित गर्छ, जुन मस्तिष्कको एक रसायन हो । यसले प्राकृतिक मूड सुधारकको रूपमा काम गर्छ । केवल ३० मिनेटको तीव्र हिँडाइले पनि राम्रो महसूस गराउन सक्छ ।

डिप्रेसन र चिन्तामा हिँडाइका फाइदा 

१. खुसीका हर्मोनहरू बढाउँछ

हिँडाइले शरीरमा खुसीका हर्मोनहरू जस्तै एन्डोर्फिनको स्तर बढाउँछ । यसले उदासी, चिन्ता र तनावको भावनालाई कम गर्छ । साथै, हिँडाइले शरीरको प्राथमिक तनाव हर्मोन कोर्टिसोलको स्तरलाई पनि कम गर्छ, जसले व्यक्तिलाई चिन्तालाई राम्रोसँग व्यवस्थापन गर्न मद्दत गर्छ ।  यसले डिप्रेसन र चिन्ता कम गर्न सहयोग गर्छ र राम्रो महसूस गराउँछ ।

२. नकारात्मक विचारहरू नियन्त्रण गर्न सहयोगी

हिँडाइले तनाव कम गर्न र मानसिक रूपमा स्वस्थ राख्न मद्दत गर्छ ।  विशेषगरी, जब पार्क वा प्रकृतिसँग जोडिएको ठाउँमा हिँडिन्छ । यस्तो वातावरणले इन्द्रीयहरूलाई सक्रिय गर्छ र मनलाई सचेत बनाउँछ ।

वरपरका दृश्यहरू, आवाजहरू र संवेदनाहरूमा ध्यान केन्द्रित गर्दा मन नकारात्मक विचारहरूबाट टाढा हुन सक्छ र शान्ति तथा उपस्थितिको भावनालाई प्रोत्साहन मिल्छ । हरियाली वातावरणमा व्यायाम गर्ने व्यक्तिहरुमा घरभित्रको गतिविधिको तुलनामा डिप्रेसन र चिन्ताका लक्षणहरूमा धेरै कमी आउने अध्ययनहरूले पनि देखाएका छन् ।

३. राम्रो निद्रा

हिँडाइले निद्रालाई सुधार गर्छ, ऊर्जाको स्तर बढाउँछ र मानसिक रूपमा व्यक्तिलाई बलियो बनाउँछ । साथै, राम्रो निद्राले कोर्टिसोलको स्तर कम गर्छ, तनाव घटाउँछ र व्यक्तिलाई राम्रो महसूस हुन्छ ।

४. ऊर्जा र सहनशक्ति बढाउन सहयोगी

हिँडाइले ऊर्जा र सहनशक्ति बढाउन फाइदाजनक छ । हिँड्दा शरीरको सहनशक्ति तीव्र रूपमा बढ्छ र ऊर्जाको स्तर पनि वृद्धि हुन्छ ।  यसले राम्रो महसूस गराउँछ र खुसीका हर्मोनहरू बढाउँछ, जसले व्यक्तिलाई स्वस्थ र सकारात्मक महसूस गर्छ ।

हिँडाइको सामाजिक पक्ष, जस्तै हिँडाइ समूहमा सामेल हुनु वा साथीसँग हिँडडुल गर्नाले एक्लोपनको भावनालाई कम गरेर यसका फाइदाहरूलाई अझ बढाउँछ । मानसिक स्वास्थ्य विशेषज्ञहरूले प्रायः डिप्रेसन र चिन्ता व्यवस्थापनका लागि समग्र स्वास्थ्य दृष्टिकोणको हिस्साका रूपमा हिँड्न सिफारिस गर्छन्।

सबैभन्दा महत्त्वपूर्ण कुरा, हिँडाइका लागि कुनै विशेष सामग्रीको आवश्यकता पर्दैन, जसले यो धेरैका लागि सजिलो र दिगो बानी बन्न सक्छ । त्यसैले, आफ्नो दैनिक दिनचर्यामा हिँडाइलाई समावेश गर्नुपर्छ । यो राम्रो मानसिक स्वास्थ्यलाई समर्थन गर्ने एक साधारण तर अत्यन्त प्रभावकारी तरिका हो ।

चिन्ता कम गर्न कति समय हिँड्नुपर्छ ?

चिन्ता कम गर्नका लागि दैनिक ३० मिनेट हिँड्नुपर्छ ।  यद्यपि, कम्तीमा दिनमा १० हजार कदम पूरा गर्ने कोसिस गर्नुपर्छ ।  यसो गर्दा दिमाग शान्त र स्थिर रहन्छ । मूड स्विङ र चिन्ता हुँदैन अनि डिप्रेसनबाट पनि बच्न सकिन्छ ।

के रातमा हिँड्दा चिन्ता कम गर्न मद्दत गर्छ ?

यदि रातको समयमा हिँड्ने हो भने यसले तनाव कम हुन सक्छ, तर धेरै हिँड्दा दिमाग सक्रिय हुन सक्छ र निद्रामा असर पर्न सक्छ । त्यसैले, सुत्नुभन्दा लगभग २ घण्टा अगाडि हिँड्नुपर्छ जसले गर्दा शरीर थाकोस् र राम्रो निद्रा लागोस् ।

चिन्ता कम गर्न हिँडाइको सही समय

चिन्ता कम गर्नका लागि साँझको समयमा हिँड्न सकिन्छ । धेरै चिन्ता हुने व्यक्तिहरूका लागि साँझको समयमा योग वा हिँड्नु फाइदाजनक हुन्छ । यसले आराम महसूस गराउँछ र राम्रो निद्रा ल्याउँछ ।