मृत्युको १६ वर्षपछि पनि माइकल ज्याक्सन धेरै कमाउने सेलिब्रेटी

न्यूयोर्क । फोर्ब्स म्यागेजिनले सबैभन्दा धेरै कमाउने मृत सेलिब्रेटीको सूची सार्वजनिक गरेको छ । सूचीमा यी कलाकारले कमाईको हिसाबले शाहरुख खान, टेलर स्विफ्ट र टम क्रूज जस्ता सेलिब्रेटीलाई पछाडि पारेका छन् ।

मृत्युको १६ वर्ष पछि पनि सूचीको शीर्ष स्थानमा छन् । उनी अझै पनि हरेक वर्ष ६०० मिलियन डलर कमाइरहेका छन् । उनी को हुन् ? अनुमान गर्नूस !

उनी हुन्- पप संगीतका राजा माइकल ज्याक्सन । फोर्ब्सले हालै विश्वको सबैभन्दा धेरै कमाउने मृत सेलिब्रेटीहरूको वार्षिक सूची जारी गरेको छ । ज्याक्सन फेरि एक पटक सन् २०२४ को सूचीको शीर्ष स्थानमा छन् ।

उनी एक पप आइकन थिए जसको सन् २००९ मा ५० वर्षको उमेरमा मृत्यु भयो । उनी आफ्ना गीत र नृत्य स्टेपका लागि सबैमाझ लोकप्रिय थिए । अहिले पनि उनी हरेक वर्ष लाखौं डलर कमाइरहेका छन् ।

यो पनि पढ्नुहोस

सोनी म्युजिकले ६०० मिलियन डलरमा किन्यो माइकल ज्याक्सनका गीत

उनले सन् २०२४ मा स्ट्रिमिङ, लाइसेन्स सम्झौताबाट ४६०० मिलियन कमाएका छन् । तर सबैभन्दा ठूलो कमाई उनको संगीतमय बायोपिक ‘एमजे’को अधिकार बिक्रीबाट आएको छ ।

सन् २०२४ मा ज्याक्सनको कमाई धेरै विशेष छ किनभने यो रकम ती सेलिब्रेटीहरू भन्दा बढी छ जो अझै जीवित छन् र धेरै सम्पत्ति र प्रसिद्धि कमाइरहेका छन् । टेलर स्विफ्ट आफ्नो विश्वव्यापी हिट ’इरास टुर’ का कारण सबैभन्दा धेरै कमाउने सेलिब्रेटी थिइन् ।

उनी अहिले ज्याक्सनपछि दोस्रो स्थानमा झरिन् । स्विफ्टले सो वर्ष ४०० मिलियन डलर कमाइन् । त्यति मात्र होइन, ड्वेन जोनसन (८८ मिलियन डलर), टम क्रूज (२५ मिलियन डलर) र शाहरुख खान (२० मिलियन डलर) जस्ता अन्य व्यक्तिहरू पनि उनीभन्दा पछाडि छन् ।

ज्याक्सनले पहिलो पटक ज्याक्सन फाइभ मार्फत संगीत उद्योगमा प्रवेश गरे । उनले आफ्ना भाइबहिनीहरूसँग मिलेर एउटा समूह बनाए र सफलताको स्वाद चाखे । १८ वर्षको भएपछि उनले आफ्नो एकल करियरलाई अगाडि बढाए । अनि त्यसपछि उनले आफ्नो कलाले संसारमा शासन गरे ।