२०८२ असार ५ गते २२:५६ 
News Summary
Generated by OK AI. Editorially reviewed.- नेपालले श्रीलंकाको कोलम्बोमा जारी बिलि जिन किङ कपको समूह ‘बी’ मा आफ्नो तेस्रो खेलमा ३–० ले पराजित भयो।
- नेपालले समूह चरणको पहिलो खेलमा म्यानमार र दोस्रो खेलमा कतारलाई जित हासिल गरेको थियो।
- अब नेपाल पाचौं स्थानको लागि ताजकिस्तानसँग प्रतिस्पर्धा गर्नेछ।
५ असार, काठमाडौं । श्रीलंकाको कोलम्बोमा जारी बिलि जिन किङ कपमा नेपाल समूह चरणको तेस्रो तथा अन्तिम खेलमा बिहीबार पराजित भएको छ । समूह ‘बी’ मा रहेको नेपाललाई श्रीलंकाले ३–० ले पराजित गर्यो ।
सिंगल्समा अकिसा हिरुन्दी सिल्भा दियुनुगेले नेपालकी शिभाली गुरुङलाई ७–६ र ७–६ तथा दिनारा डि सिल्भाले नेपालकी अभिलाषा विष्टलाई ६–४ र ६–२ को सेटमा पराजित गरे । डबल्समा तुभिनी डि अल्भिस र जयविराको जोडीले शिभाली र अभिलाषाको जोडीलाई ६–४, १–६ र १०–६ को सेटमा हराए ।
यसअघि समूह चरणको पहिलो खेलमा नेपालले म्यान्मारलाई २–१ तथा दोश्रो खेलमा कतारलाई ३–० ले पाखा लगाएको थियो ।
नेपालले अब पाचौं स्थानका लागि ‘प्लेअफ’ मा ताजकिस्तान विरुद्ध खेल्ने छ ।
प्रतिक्रिया 4