राजावादी आन्दोलनकी घाइते रेबिकाले दिइन् सहयोगी राखेर परीक्षा

News Summary

Generated by OK AI. Editorially reviewed.

राजावादीले गरेको आन्दोलनमा गोली लागेर घाइते रेबिका खत्रीले सहयोगी राखेर परीक्षा दिएकी छिन्।
दुई दिनअघि अस्पतालबाट डिस्चार्ज भए पनि घरबाट परीक्षा दिन नपाउने भएपछि उनी पुनः अस्पताल आएकी थिइन् ।
१५ चैतमा कोठामा जाँदै गर्दा राजावादी आन्दोलनमा प्रहरीले चलाएको गोली उनको खुट्टामा लागेको थियो ।

६ असार, काठमाडौं । राजावादी आन्दोलनमा प्रहरीको गोली लागेर घाइते भएकी रेबिका खत्रीले सहयोगी राखेर परीक्षा दिएकी छिन् ।

बीबीएस तेस्रो वर्षमा अध्ययनरत रेबिकाले सहयोगी राखेर परीक्षा दिने व्यवस्था मिलाइएको हो ।

सिभिल अस्पताल नयाँ बानेश्वरबाट रेबिकाले सहयोगी राखेर परीक्षा दिने व्यवस्था मिलाइएको जिल्ला प्रहरी परिसर काठमाडौंका एसपी तथा प्रवक्ता अपील राज बोहराले जानकारी दिए ।

१५ चैतमा कोठामा जाँदै गर्दा राजावादी आन्दोलनमा प्रहरीले चलाएको गोली उनको खुट्टामा लागेको थियो । त्यसयता उनी अस्पतालमा उपचारमा थिइन् ।

दुई दिनअघि अस्पतालबाट डिस्चार्ज भए पनि घरबाट परीक्षा दिन नपाउने भएपछि उनी पुनः अस्पताल आएकी थिइन् । उनले आज बिहान ९ बजेदेखि सुरु भएको परीक्षा अस्पतालबाट दिएको एसपी बोहराले जानकारी दिए ।

परीक्षा दिन आफू तयार रहेको भन्दै रेबिकाले प्रहरीलाई बताएकी थिइन् । त्यसपछि त्रिवि र सीडीओ कार्यालयको छलफलपछि सहयोगी राखेर परीक्षा दिने व्यवस्था मिलाइएको हो ।

बीबीएस तेस्रो वर्षको परीक्षा आजबाट सुरु भएको छ ।