निरन्तर पहिरोले कालिगण्डकी करिडोर अवरुद्ध

फाइल तस्वीर

News Summary

Generated by OK AI. Editorially reviewed.

गुल्मीको कालिगण्डकी करिडोर निरन्तर पहिरोका कारण अवरुद्ध छ।
सडक खुलाउने काम भइरहे पनि निरन्तर पहिरो झरिरहेकाले समस्या भएको प्रहरीले बताएको छ।
सडक पूर्णरूपमा सञ्चालनमा नआएपछि जिल्लाका विभिन्न स्थान र छिमेकी जिल्लासँगको सम्पर्क अवरुद्ध छ।

७ असार, गुल्मी । निरन्तर पहिरोले कालिगण्डकी करिडोर अवरुद्ध भएको छ ।

शुक्रबारदेखि जिल्लाको कालिगण्डकी गाउँपालिका वडानम्बर– २ गरगरेस्थित कालीगण्डकी करिडोर बाटोमा माथिबाट पहिरो आई २४ घण्टादेखि सडक पूर्णरूपमा अवरुद्ध भएको जिल्ला प्रहरी कार्यालय गुल्मीका प्रहरी नायब उपरीक्षक (डिएसपी ) गंगाबहादुर सारुले बताए ।

बाटो खुलाउने काम भइरहे पनि निरन्तर ढुंगा सहितको पहिरो झरिरहेकाले समस्या भइरहेको सारुले बताए । चट्टानसहितको पहिरो खसेकाले समय लाग्ने उनले बताए ।

पहिरोले करिडोरका विभिन्न ठाउँमा पहिरोले समस्या निम्त्याएको छ । सडक अवरुद्ध हुँदा जिल्लाको पुर्तिघाट, छिमेकी जिल्ला बागलुङ, स्याङ्जासँगै पोखरा पुग्ने सवारीसाधन गन्तव्यमा पुग्न सकेका छैनन् ।

त्यस्तै ४ दिन अघि कागण्डकी गाउँपालिका–६ बरम्बा स्थित कालिगण्डकी करिडोर सडकको गुल्मी खण्ड अवरुद्ध भएको थियो ।

अवरुद्ध सडक मंगलबार मात्रै एकतर्फी खुलेको थियोे । हालसम्म पनि सडक पूर्णरूपमा सञ्चालनमा आउन सकेको छैन् ।