२०८२ असार ९ गते १५:४९ 
News Summary
Generated by OK AI. Editorially reviewed.- मन्त्री तेजुलाल चौधरीले कीर्तिपुर क्रिकेट मैदानको निरीक्षण गरे।
- प्यारापिट र फ्लडलाइट जडानको काम असार मसान्तभित्रै सम्पन्न हुने योजना छ।
- कामको लागि ४३ करोड ७७ लाखको बजेट स्वीकृत भएको छ।
९ असार, काठमाडौं । युवा तथा खेलकुदमन्त्री तेजुलाल चौधरीले कीर्तिपुरस्थित टीयू क्रिकेट मैदानको सोमबार निरीक्षण गरेका छन् ।
कीर्तिपुर क्रिकेट मैदानमा हाल प्यारापिट निर्माण र फ्लडलाइट जडान सम्बन्धी काम भइरहेको छ । सोको प्रगति बुझ्न मन्त्री चौधरी कीर्तिपुर गएका हुन् ।
त्यस अवसरमा मन्त्री चौधरीले निर्धारित समयमै काम सम्पन्न गर्न निर्देशन दिएका थिए ।
गएको फागुन २० देखि अन्तर्राष्ट्रिय स्तरको प्यारापिट निर्माणको काम सुरु गरिएको हो । आगामी वैशाख अन्तिम सातासम्म काम सक्ने गरी काम भइरहेको छ । त्यसका लागि आवश्यकता अनुसार सिफ्टहरू पनि बनाइएको छ ।
प्यारापिट निर्माणका लागि ४३ करोड ७७ लाखको बोलपत्र स्वीकृत भएको छ । प्यारापिट निर्माणको ठेक्का काठमाडौंको टङ्गालमा रहेको BKOI-KCDC-BG जेभीले पाएको छ ।
त्यस्तै फ्लडलाइट जडानको ठेक्का ललितपुरको गुसिंगलस्थित विशाण-ईश्वरी जोइन्ट भेन्चरले पाएको हो ।
प्यारापिट निर्माण र फ्लडलाइट जडानको काम असार मसान्तभित्रै सक्ने गरी काम भइरहेको छ ।
प्रतिक्रिया 4