News Summary
Generated by OK AI. Editorially reviewed.- सांसद राजेन्द्रकुमार राईले पीएसओको व्यवस्थाबारे आपत्ति जनाए र प्रहरी चौकी खाली हुने र नेताहरू पीएसओ बोकेर हिँड्ने प्रवृत्ति बढेको बताए।
- उनले प्रहरीको अत्यधिक प्रयोग र लोकतन्त्रको खिलाप भएको आरोप लगाए।
- समितिको बैठकले प्रहरीसम्बन्धी कानुन संशोधनका विषयमा छलफल गर्यो।
११ असार, काठमाडौं । सत्तारुढ दल नेकपा (एमाले) का सांसद राजेन्द्रकुमार राईले पर्सनल सेक्युरिटी अफिसर (पीएसओ)को व्यवस्थाबारे आपत्ति जनाएका छन् ।
बुधबार सिंहदरबारमा बसेको प्रतिनिधिसभा अन्तर्गतको राज्य व्यवस्था तथा सुशासन समितिको बैठकलाई सम्बोधन गर्दै उनले यस्तो बताएका हुन् ।
प्रहरी चौकी खाली हुने र नेताहरू पीएसओ बोकेर हिँड्ने प्रवृत्ति बढेकोप्रति आपत्ति जनाए ।
‘गृहमन्त्रीज्यूलाई मेरो एउटा निवेदन गर्नपर्यो । यो पीएसओ भनेको के हो ? मैले बुझिन । सबैसँग छ अहिले हेर्नुस् । सबैले पुलिस लिएर कुदेका छन् । चौकी खाली छ । के भएर यस्तो भएको हो ?,’ उनले भने ।
उनले दौरा सुरुवाल लगाउने सबैसँग पीएसओ रहेको भन्दै व्यङ्ग्य पनि व्यक्त गरे । पूर्व तथा निवर्तमान प्रहरीका आईजीपी र आईजीको घरमा समेत प्रहरीहरूलाई कामकाजमा राखिएको भन्दै उनले आपत्ति जनाए ।
‘सबै मान्छेसँग पीएसओ । जो दौरा सुरुवाल लगाएको छ, उसैसँग पीएसओ । यो के भएर यस्तो हुन्छ ? मैले बुझ्दै छु, हिजोका आईजीपी भएको, हिजो एआईजी भएको घरमा पनि राखिएको छ,’ उनले भने, ‘यसो गर्नु हुँदैन । यो लोकतन्त्रको खिलापमा छ । जनतालाई हामीले सुशासन दिने हो । जनताले देख्ने गरी काम गर्नुपर्यो ।’
नेपाल प्रहरीसम्बन्धी कानुनलाई संशोधन गर्न बनेको विधेयकमाथि सैद्धान्तिक छलफल गर्न राज्य व्यवस्था तथा सुशासन समितिको बैठक बसेको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4